Eclesiastes

7 Air gaur nåme is beeter as air gaur ööl, un der dag fon der dood is beeter as der geboorensdag. 2 Is beeter gåe in ain huus woo truuren is as gåe in ain huus woo fest is, weegen dai dood is dai ën fon dai ganse lüür, un wee leewe däit mut hijr andenke. 8 Beeter is dat ën fon air dail as sij anfang. ... 9 Blijw ni licht arglig, weegen is der duume sij härts wat arglig blijwt. 12 Weegen dai klaukhët is air behüüten, soo as dat gild air behüüten is. Åwer dat best fon dat kenen is dit: dai klaukhët däit leewig låte der wat dai hät. 16 Wäs ni taudul gerecht, uk ni taudul klauk. Woweegen schust duu dij selwst wat schåre? 17 Wäs ni taudul slecht, uk ni taudul dum. Woweegen müst duu airer doodblijwe? 18 Dai best is air formånen horge, åwer uk ni dai anerd formånen besijdlåte, weegen man God gefale wil däit dai bëd horge. 20 Weegen is kair gerecht mësch upe ër wat ümer måke däit wat gaud is un ni ais süün mökt. 21 Dau uk ni uppasse nå ales wat dai lüür fortele, süste küün dai wat tau dij arbërt, slecht oiwer dij reere, 22 weegen duu wätst im härts, dat’s duu selwst oft al oiwer andrer slecht reert häst.