Marcos

2 Wek fariseus sin dicht bij em kåme taum em pruiwe un häwe frågt wen air kërl sich uutananersrijwe küün fon sijn fruug. 3 Hai hät antwoordet: “Wat hät Moisés juuch sägt?” 4 Sai häwe sägt: “Moisés hät erlaubt dat dai kërl aine uutananersrijwen schijn geewe däir un eer wegschike.” 5 Åwer Jësus hät eer sägt: “Is weegen jij dikköpig sin, dat hai juuch dëse geboot sreewe hät. 6 Åwer, im anfang as God ales up bröcht hät, ‘Hai hät kërl un fruug måkt. 7 Dårweegen däit dai kërl sijne papa un sijn mama låte, 8 un sai bëd ware soo as bloos air’, un soo sin ni mër twai, åwer bloos air. 9 Den, wat God uuner dai selwig jük måkt hät, dört kair uutenanermåke.” 10 As sai werer t’huus wäire, häwe dai jüngers em dåroiwer frågt. 11 Hai hät tau eer sägt: “Wee sich uutananersrijwe däit fon sijn fruug un däit mit ander frijge, däit sij truug woord ni hule 12 un wen ain fruug sich mit ander frijgt, nå dat sai sich uutananersreewe hät fon eer kërl, däit sai eer truug woord ni hule. 14 ...Låt dai klaine kiner an mij kåme... 17 As hai weggåe däir, air kërl is an loopen kåme, hät sich upt knai foir em henset un hät em frågt: “Gaur Schaullërer, wat mut ik måke taum dat ëwig leewend krijge?” 18 Jësus hät tau em sägt: “Woweegen sägst duu ik bün gaud? Kair is gaud, bloosig air, God. 19 Duu kenst dai geboote: ‘Dau ni doodmåke, dau dij kaine ande kërl urer fruug neeme, dau ni steele, dau kain falsch tüüge geewe, dau ni bedraige, dau dijne papa un dijn mama ëre.’” 20 Dai kërl hät tau em sägt: “Schaullërer, fon klain up dau ik al dës daile horge.” 21 Jësus hät na em keeke, hät groot lijb up em fornåme, un hät tau em sägt: “Fëgelt air dail tau dij: gå, forkööp wat’s duu häst un geew dat gild tau dai arme, den duu krijgst ain beloonen im himel, un kåm mij nå.” 22 Åwer, as hai dai antwoord höört hät, dës kërl is sër traurig woore un is åne lust weggåe, weegen hai har feel daile. 27 “... tau God is ales mööglig.” 28 Pedro hät anfånge sägt: “Sai, wij häwe ales rinerlåte un sin dij någåe.” 29 Jësus hät sägt: “Ik geew juuch sicherhët: Kair hät forlåte huus, bruirers, swesters, mama, papa, kiner urer land, weegen mij un weegen dai gaure nijges, 30 wat ni huunerdmål nuu mër krijgt, in dëse tijd, hüüser, bruirers, swesters, mamas, kiner un land, mit slecht angrijpen, un in dai tijd wat nog kümt, dat leewend up ümer. 45 Weegen sogår dat Kind fom Kërl is kåme, ni taum dijnt ware, åwer taum dijne un sij leewend geewe taum aine prais betåle in feele eer stel.