Levítico

17 “ ‘Wen air kërl seks bedrijwe däit mit sijn swester, wat em sijn papa sijn määke is urer em sijn mama sijn määke is un hai eer nåkt süt un sai em nåkt süt, dat is taum schäämen. Sai ware doodmåkt foir dijn folk sijn oogen. Hai hät schåm oiwer sijn swester bröcht. Hai mut betåle weegen sijn forkërd dail. 18 “ ‘Wen air kërl sich t’hooplege däit mit ain fruug wat eene dåg hät un seks mit eer bedrijwe däit, sai bëd häwe eene dåg ni respektijrt. Sai bëd muite doodmåkt ware. 19 “ ‘Dau ni seks bedrijwe mit dijn mama sijn swester un mit dijn papa sijn swester, weegen dat däir schåm bringe tau air fründ wat dai selwig blaud hät as duu. Sai bëd muite weegen een forkërd dail betåle. 20 Dai kërl wat seks bedrijwe däit mit dai fruug fon sijn unkel däit schåm oiwer sijn unkel bringe. Sai bëd muite weegen een süün betåle. Sai schåle ån kiner doodblijwe. 21 Wen air kërl dai fruug fon sijn braurer nimt, dat is sër slecht. Hai hät schåm oiwer sij braurer bröcht. Sai schåle ån kiner blijwe. 22 “ ‘Daut mijn ganse geboote horge un uk ales wat ik gericht un uutsöcht häw un daut soo måke, dat dat land wat ik juuch henbringe dau taum wåne ni juuch kotse däit. 23 Gåe ni nå dai geboote fon dai folk wat ik foir juuch ruuterjåge dau, weegen sai häwe dës ganse daile måkt un ik dau dai hasse. 24 Dårweegen häw ik juuch sägt: “Jij daue eer land neeme un ik dau dat land tau juuch geewe as juuch ärbschaft, ain land wat melk un hoinig giwt. Weegen ik bün Jehovaa, juuch God, wat juuch fon dai andrer folk apart låte hät.” 25 Jij muite dai uunerschëd waite tüschen dai tijr urer fai wat rëgen sin un wat ni rëgen sin, wat fon fågel rëgen is un ni rëgen is. Wäs ni eeklig weegen dai tijr urer fai, dai fågels un daile wat upe ër kruupe daue, wat ik apart dår häw dat jij dës drekig maine schåle. 26 Jij schåle hailig tau mij sin, weegen ik Jehovaa, bün hailig. Un ik dau juuch apart fon dai andrer folk låte, dat jij mijn ware. 27 “ ‘Irgends air kërl urer fruug wat hexerig mökt urer wat daile foiruut råre däit mut doodmåkt ware. Dat folk mut eer mit stain doodsmijte. Sai häwe schuld oiwer sijn aigen dood.’ ”