Levítico

9 “ ‘Wen’s duu dat ernte däist wat up dijn land is, dau ni dai rand fon dijn land gans un går ernte un dau ni t’hoopsamle dat wat oiwrigbleewe is fon dijn ernten. 10 Un nog, dau ni t’hoopsamle dat wat oiwrig bleewe is in dijn wijnlauf un dau ni dai wijn t’hoopsamle wat ruunerfale sin, duu must dai tau dai arme un uutlandisch lüür låte. Ik bün Jehovaa, juuch God. 15 Måk kain ungerechtigkët wen’s duu richte däist. Duu dörst ni dai arm mësch sijne kant uutsuike, uk ni dai rijk mësch sijne kant uutsuike. Duu must dai anerd mit gerechtigkët richte. 18 Daut ni dai kiner fon juuch folk tröögtåle daut uk ni eer dat nådråge. Lijb dai andrer soo as dij selwst. Ik bün Jehovaa. 26 “‘Daut nischt eete woo blaud mank is. “‘Daut kair saichen suike un kain hexerig måke. 28 Daut juuch körper ni insnijre weegen air mësch wat dood is, un måk kain tatuagem. Ik bün Jehovaa. 32 “‘Stå up foir dai wite hår. Geew dai ule lüür wërd un häw angst taum God ni gefale. Ik bün Jehovaa.