Êxodo
3 Moisés hät anfånge uppasse dai schåp fon Jetro, sijn swijgerfåter, praister fon Midiã. As hai dat fai këre däir na oeste hen fone sandland, hai is henkåme nam Horebe, dai wår God sijne barg. 2 Dun, Jehovaa sij ängel is kåme im füür flame mank air paikebusch. Moisés hät na dem paikebusch keeke un hät sai dat dai brene däir, åwer dai däir ni forbrene. 3 Soo, hät Moisés sägt: “Ik häw dat nij ais saie, dai paikebusch däit ni forbrene, ik gå näig hen taum dat bekijke.” 4 Dun, as Jehovaa saie hät dat hai henwääst is taum kijken, hät em raupe fon dem paikebusch un hät sägt: “Moisés! Moisés! Un hai hät sägt: “Hijr bün ik.” 5 God hät dun sägt: “Kåm ni mër näiger raner. Trek dijn strijpeschau uut fon dijn fuit weegen dai stel woo’s duu henpere däist is hailig.” 6 Hai hät uk sägt: “Ik bün dai God fon dij fåter, dai God fon Abraão, dai God fon Isaque un dai God fon Jacó.” Dårmit, hät Moisés sijn gesicht forståke, weegen hai har angst kijke nå dai wår God. 7 Jehovaa hät uk sägt: “Ik häw saie dai swåre daile wat mij folk doirsete däit in Egito, un häw höört as sai jamert häwe weegen dai wat eer swåre arbëd oiwergeewe. Ik wait sër genau wat sai doirsete daue. 8 Ik dau ruunergåe taum eer fraimåke fon dai egípcios sijn häin un eer dårfon ruutermåke. Ik dau eer henbringe up ain gaur un groot land, ain land wat melk un hoinig giwt, dai land fone cananeus, hititas, amorreus, perizeus, heveus un jebuseus. 9 Dau saie! Ik häw dai srijgen fon dai israeliten höört, un häw uk saie dat dai egípcios eer uunerdrüke daue mit slechtigkët. 10 Kåm, ik dau dij schike nam Farao, un duu däist mij folk, dai israeliten, fon Egito ruutermåke.” 13 Åwer Moisés hät tau dem wår God sägt: “Un wen ik nå dai israeliten hengåen un säg: ‘Dai God fon juuch früüsch fründe hät mij nå juuch henschijkt’, un wen sai mij soo fråge: ‘Wosoo is dem sij nåme?’ Wat schal ik eer den antwoore?” 14 Dun hät God tau Moisés sägt: “Ik War Wat Ik Ware Wil.” Un hät nog sägt: “Dit is wat’s duu tau dai israeliten säge schast: ‘“Ik War” hät mij nå juuch henschijkt.’” 15 Dun hät God nog ais tau Moisés sägt: “Is dit wat’s duu tau dai israeliten säge must: ‘Jehovaa, God fon dijne früüsche fründe, God fon Abraão, God fon Isaque un God fon Jacó hät mij henschikt nå juuch. Dit is mij nåme up ümer, un soo wart an mij andacht tijd nå tijd.