Êxodo

15 “Duu must air wat uutnäige däit, der borststük fom gericht måke låte. Dai borststük mut soo måkt sin as dai schört, fon guld, blåg twën, oosterblåg lanwul, düüster rood twën un fain gedrëgt lijn. 16 Wen man dat t‵hoopneeme däit, dai wart ain fairkantig sin, mit ain palmo lang un ain palmo braid. 17 Duu must an dai, fair raich fon stain hensete. In dai airst raich: rubi, topázio un esmeralda. 18 In dai twait raich: turquesa, safira un jaspe. 19 In dai drürt raich: leeschem stair, ágata un ametista. 20 In dai firt raich: crisólito, ônix un jade. Dai stain muite t‵hoopset sin im guld. 21 Tau jërer ain fon dai twölw jonges fon Israel, wart ain stair sin. Up jërer stair, mut dai nåme fon jërer ain fon Israel sijn jonges rinerstämpelt ware. Jërer nåme bedüürt ain fon dai twölw folk. 22 “Duu must gedrëgt keer tau dai borststük måke mit schijr guld. 23 Must twai ringe måke tau dai borststük un dai t’hoopsete up dai bëre kant fon dai borststük. 24 Un duu must dai bëre guld keer doir dai ringe måke in dai kant fone borststük. 25 Duu däist dai twai ën fon dai bëre keer doir dai ringe måke un däist dai t‵hoopsete upt schuldren, un dårfoir in dai band fon dai schört. 30 Duu däist in dai borststük fon gericht, dai Urin un dai Tumin henmåke, un dai daue up Arão sijn härts blijwe wen hai foir Jehovaa gåe däit un Arão mut dai ümer dråge foir Jehovaa un däit dai benutse taum dai israeliten gerichte. 36 “Duu must ain blank raime måke fon schijr guld un up der rinerstämple: ‘Dai hailigkët höört Jehovaa.’ 38 Dat mut up Arão sijn foirkop sin, un Arão däit oiwer sich häwe wen air mësch wat forkërd måke däit gëgen dai hailig daile wat dai israeliten hailig måke daue, wen sai dai hailig geschenk anbaire. Dai raime däit ümer up Arão sijn foirkop sin, dat sai koine Jehovaa gefale dårmit. 42 Måk tau eer kord hoose dat kair eer nåkend saie koine, dai muite fon dai hüft bet dai küül taudeke. 43 Arão un sijn jonges daue dai antreke wen sai in forsamlung hüt gåe un wen sai dicht bij dai altaar gåe taum in dai hailig stel dijne, dat kain schuld kümt oiwer eer un dat sai ni doodblijwe daue. Dit is ain geboot up ümer tau em un tau ale wat stame fon em af.