Gênesis

50 Dun, José hät sich oiwer em sijne papa smeete, hät hüült un hät em pusst. 2 Nåheer José hät tau dai dokters wat tau em arbëre däire sägt sai schule ööl oiwer em sijne papa sijne körper schüre, soo’s dai egípcios maike. Sai häwe dat måkt mit Israel sijn körper, 3 un hät 40 dåg duurt taum dat måken, weegen dårtau dës dåg wäire nöörg. Un dai lüür fon Egito häwe hüült oiwer em 70 dåg lang. 4 Nå dat dai truuretijd forbij wäir, José hät tau dai in Faraó sijn huus sägt: “Wen ik juuch gefale häw, sägt dëse beschaid tau Faraó: 5 ‘Mij papa hät sägt ik schul em wat forspreeke. Hai hät sägt: “Kijk ais, ik dau doodblijwe. Duu schast mij forgråwe in dat loch wat ik uphakt häw in Canaã.” Låt dat ik rupergåe dau taum mijne papa inhake, un nåheer ik dau tröögkåme.’” 6 Faraó hät antwoordet: “Gå un dau dijne papa inhake, soo’s hai sägt hät schust duu måke.”