Gênesis

13 Hai is dai nacht oiwer dår bleewe. Dun, fon dat wat hai häwe däir, hät hai air geschenk tau Esaú, sijm braurer, apart måkt: 14 200 seegesike, 20 seegebük, 200 schåpsike, 20 schåpbük, 15 30 kamelas mit eer klaine, 40 kööch, 10 bule, 20 stainpërds un 10 staineesels. 16 Hai hät dai afgeewt tau dai wat tau em arbëre däire, ain grup fai nå der andrer, un hät tau eer sägt: “Gåt nå foir, un jij låte air stük up tüschen ain grup fai un anerd.” 17 Hai hät uk tau dem airste sägt: “Wen mij braurer Esaú dij trefe däit un däit fråge: ‘Tau wem däist duu tauhööre, woo gäist duu hen un wem man höört dit fai wat nå foir gäit?’, 18 duu must säge: ‘Dat höört Jacó, dai wat dij dijne däit. Dit is air geschenk wat hai schike däit tau dij mij her Esaú un hai selwst kümt uk hijner oos!’” 19 Hai hät uk sägt tau dem twaite, tau dem drüre un tau ale dai wat dår bij wäire bij dem fai: “Wen jij Esaú trefe daue, jij muite dës wöör tau em säge. 20 Jij muite uk säge: ‘Dai wat dij dijne däit, Jacó, kümt hijner oos.’” Weegen hai däir denke: ‘Wen ik air geschenk foir mij henschike dau dat hai ruig wart, kan sin wen wij oos nåheer bëd t’hooptrefe daue, hai däit mij gaud upneeme.’