João

3 Dun, häwe em sijn swesters schikt taum tau Jësus säge: “Her, der wat’s duu lijbe däist is krank.” 5 Jësus däir Marta, een swester un Lázaro lijbe. 11 Nåheer, hät Jësus uk sägt: “Lázaro, oos grootfründ is inslåpe, åwer ik gå dårhen taum em upwöke.” 12 Den dai wat em någåe däire, häwe tau em sägt: “Her, wen hai slåpe däit wart werer gaud.” 13 Åwer Jësus har fortelt oiwer em sijne dood. Sai däire maine dat Jësus fortele däir oiwer dat slåpen. 14 Dun, hät Jësus klår tau eer sägt: “Lázaro is doodbleewe, 21 Marta hät dun tau Jësus sägt: “Her, wen’s duu hijr wääst wäirst, wäir mij braurer ni doodbleewe. 22 Åwer ik wait, dat ales wat’s duu nuu bire däist tau God, dat giwt God dij.” 23 Jësus hät eer sägt: “Dij braurer däit upståe.” 24 Marta hät antwoordet: “Ik wait dat hai upstäit im upleewen an lätste dag.” 25 Jësus hät eer sägt: “Ik bün dat upleewen un dat leewend. Dai wat gloobe an mij hät, wen dai uk doodblijwt, däit werer leewe; 26 un jërer dai wat leewe däit un gloobe an mij hät, däit nij ais doodblijwe. Glööwst duu dår an? 27 “Jå, Her”, hät sai antwoord. “Ik glööwt dat’s duu dai Kristus büst, God sijn Kind, dai wat up wild kåme schul.” 35 Un Jësus hät anfånge an hüülen. 38 Soo, werer Jësus mit groot beduuren, is nåm graw hengåe. Åwer, dat wäir air loch, un foir eer wäir air stair stelt. 39 Jësus hät sägt: “Måkt der stair weg.” Marta, dem doore sijn swester, hät sägt: “Her, hai wart wür al slecht rüke weegen sin al fair dåg heer.” 40 Jësus hät antwoordet: “Häw ik dij ni sägt, wen’s duu glööwe däirst, wöörst duu God sijn herligkët saie?” 41 Soo, häwe der stair wegmåkt. Dun hät Jësus sijn oogen nåm himel hoogmåkt un hät sägt: “Fåter, ik dau dij danke weegen dat’s duu mij höört häst. 42 Ik bün mij sicher dat’s duu mij ümer hööre däist, åwer häw dat sägt weegen dem folk, wat üm mij rümer is, dat sai glööwe dat’s duu mij schikt häst.” 43 Nådem dat hai dit sägt hät, hät hai hoog raupe: “Lázaro, kåm ruuter!” 44 Dai kërl wat dood wäir is ruuterkåme mit fuit un häin angebuunen mit tüügbin, un dat gesicht inwikelt mitm lume. Jësus hät sägt: “Måkt em dai tüügbin af un låt em gåe.”