1. João

8 Dai wat bijblijwt im süün måken kümt fon dem Düüwel, weegen dai Düüwel mökt fon anfang an süün. Is dårweegen dat God sij Kind kåme is: taum forstööre wat dai Düüwel måkt hät. 10 Dårdoir waite wij wee God sijn kiner sin un wee dem Düüwel sijn kiner sin: dai wat ni dai gerechtigkët mökt kümt ni fon God, uk ni dai wat ni sijne braurer lijbt. 11 Weegen dit is dai beschaid wat jij fon anfang an höört häwe: wij muite air der andrer lijbe; 12 ni soo as Kaim, wat heerkåme is fom bös un hät sijne braurer doodmåkt. Un woweegen hät hai em doodmåkt? Weegen dat sij aigen måken slecht wäire, åwer fon sijm braurer wäire gerecht. 15 Jërer ainsig dai wat sijne braurer hasse däit is air doodmåker, un jij waite dat, dat leewend up ümer ni in aim doodmåker blijwe däit. 19 Dårdoir waite wij dat wij tau dai wårhët tauhööre un daue oos härts ruig måke foir em 20 ümer wen oos härts oos updrüke däit, weegen God is grööter as oos härts un wät ales. 23 Jå, dit is sij geboot: dat wij gloobe häwe an der nåme fon sijm kind, Jësus Kristus, un dat wij air der andrer lijbe, soo as hai oos dat sägt as wij dat måke schåle.