Números

11 Dun, hät dai folk anfånge sër feel foir Jehovaa klåge. As Jehovaa dit horgt hät, hai is wüütend woore, un ain füür wat fon Jehovaa kåme däir hät anfånge mank eer forbrene, un wek forbrene wat ane rand wäire fon dai stel woo sai dai hüte uprichte däire. 2 As dai folk Moisés sijn hülp forlangt hät, hai hät tau Jehovaa birt un dai füür is uutgåe. 3 Dårweegen, is dai stel as Taberá nent woore, weegen ain füür wat fon Jehovaa kåme is, hät eer forbrent. 4 Den dai uutlandisch lüür wat mank eer wäire, häwe een forkërd wünsch weese un dai israeliten häwe werer anfånge ane hüüle un säge: “Wee däit oos flaisch geewe taum eeten? 5 Wij daue dai fische sër forlange wat wij ümsüss in dat land fon Egito eete däire, un uk dai gurke, dai melons, dai alhos-porós, dai cipole un dai knufluks! 6 Åwer nuu daue wij forkwijne. Wij daue bloos dës maná saie.” 7 Dai maná wäir soo as coentro såd un wäir soo as bdélio. 8 Dat folk güng dår rümer taum dai t’hoopsamle un däir dai mit hand moil måle urer däir dat in stampklots stampe. Den, nåheer däire sai in keetel kåke urer däire sai bröör måke soo as ain ring. Dat däir soo smäke as ain kuchen wat mit ööl måkt woore is. 9 Nachts oiwer, as dai doog runerfale däir oiwer dai stel woo sai dai hüte uprichte däire, däir dai maná uk ruunerfale. 10 Moisés hät horgt dat dai ganse familg fon dat folk hüüle däire, jërer kërl foir dai doir fon sijn hüt. Un Jehovaa is wüütend woore, Moisés is uk wüütend woore. 11 Den hät Moisés tau Jehovaa sägt: “Woweegen däist duu nood tau dijn dijner bringe? Wat häw ik måkt, dat ik dij ni gefale dau un dat’s duu dës folk oiwer mij geewt häst? 12 Häw ik måkt dat dës folk geboore ware däir? Is doir mij wääst dat sai geboore woore sin, dat’s duu mij säge däist: ‘Dau eer upe slip neeme soo as dai wat dijne däit mökt mit ain klain kind’, bet dat land wat’s duu forspråke häst geewe tau dai fon woo sai afstame daue? 13 Fon woo dau ik flaisch krijge tau dës folk geewe? Weegen sai daue nog foir mij hüüle un säge: ‘Geewt oos flaisch dat wij eete daue!’ 14 Ik krijg ni dit folk alaine uuthule, mij is dat oiwer. 15 Wen’s duu mij wijrer soo behandle däist, måk mij nuu dood, wen ik dij gefale dau måk dat ik kain eelend saie dau.” 23 Jehovaa hät dun tau Moisés sägt: “Is Jehovaa sij hand tau kord? Nuu däist duu saie of dat wat ik säge dau passijre däit urer ni.”