Deuteronômio

3 “Dijn aigen oogen häwe saie wat Jehovaa måkt hät oiwer Baal fon Peor. Jehovaa, dij God hät jërer kërl mank juuch uutrot wat Baal fon Peor dijnt hät. 4 Åwer jij, wat sich fast an Jehovaa, juuch God, hule daue, daue hüüt nog leewe. 5 Kijk, ik häw juuch geboote un leis inlërt, soo as Jehovaa, mij God, mij ordnung geewt hät, dat jij dës geboote un leis horge daue in dat land wat jij krijge daue. 6 Jij muite dai genau uppasse, weegen dit däit foir dai folk wijse, wat oiwer dës geboote hööre daue dat jij klauk sin un dai daile forståe daue, un sai daue säge: ‘Dës groot folk gans sicher is ain klauk folk un däit dai daile forståe.’ 7 Weegen wat fon groot folk hät godes wat dicht bij eer sin soo as Jehovaa dicht bij oos is, ümer wen wij em raupe daue? 8 Un wat fon groot folk hät gerecht geboote un leis soo as dës Lei wat ik hüüt juuch geewe dau? 9 “Bloos pass genau up taum ni forgeete dai daile wat juuch oogen saie häwe un dat dës daile ni uutm juuch härts ruutergåe daue solang as jij leewe daue. Un uk dau tau dijn kiner un tau dai kiner fon dijn kiner oiwer dës daile fortele. 10 In der dag woo’s duu foir Jehovaa, dij God, wäirst in Horebe, hät Jehovaa mij sägt: ‘Dau dai folk foir mij t’hoopbringe dat sai mijn wöör hööre, dat sai lëre daue angst häwe for ni mij gefale al dåg wat sai up dës land leewe daue un dat sai een kiner inlëre daue.’ 23 Pass juuch up taum ni forgeete dai akord wat Jehovaa, juuch God, mit juuch måkt hät un daut kain gemåkt dail taum juuch måke wat uutsaie däit mit air dail wat Jehovaa, juuch God forbåre hät.