Colossenses

2 Daut ümer juuch gedanke stram häwe an dai daile fom himel un ni an dai daile fone wild. 5 Måk den dood, dai daile fon dijm körper wat besägen hät mit huurerig, ni rëgen sin, wünsch taum seks bedrijwen, wünschen wat schåre un groot oogen häwe, wat falsch godes anbeere is. 6 Weegen dës daile kümt God sij wuut. 8 Åwer nuu jij muite dit ales besijdlåte: wuut, slechtigkët un al schimp wöör un döre kain soigerig fortele. 9 ...Jij muite juuch ul moor uuttreke mit ales wat dai måke däit. 10 un daut juuch dai nijg moor oiwertreke, wat doir dat genau kenen ümer nijg måkt wart soo as Dai beschafe is wat dai måkt hät. 12 Soo, as uutgesöchte fon God, hailig un lijblig, daut juuch oiwertreke mit lijb beduurnis, gaurigkët, gewöönligkët, fråmhët un geduld. 13 Daut juuch ümer wijrer air der ande uuthule, un ümer juuch air der ande forgeewe, lijkerst wen air uk recht hät taum sich gëgen der ande klåge. Soo as Jehovaa juuch forgeewt hät, muite jij dat uk soo måke. 14 Åwer, mër as dit ales, häwt sër feel lijb, weegen dit is dat best dail taum sich ainig sin. 15 ...wijst dat jij dankbår sin. 16 Dat dat woord fon Kristus in juuch blijwe schal mit feel un al dai klaukhët. Daut bijblijwe air der andrer inlëre un koråsch geewe mit salms, lijrer tau God un hailig lijrer wat jij mit dankbårkët singe. Daut bijblijwe uutm härts tau Jehovaa singe. 18 Jij fruuges, daut juuch kërls horge, soo as dat richtig is for dai Her. 19 Jij kërls, daut bijblijwe juuch fruuges lijbe un daut ni oiwer eer wüütend ware. 20 Kiner, in ales, daut juuch papa un mama horge, weegen dat däit dai Her gefale. 21 Papa, daut ni juuch kiner wüütre, dat sai ni forsågt ware. 23 Jërer dail wat jij måke, daut dat mit ganse sël måke soo as wen tau Jehovaa wäir, un ni tau dai lüür, 24 weegen jij waite is fon Jehovaa dat jij dai ärbschaft soo’s beloonen krijge daue. Daut arbëre soo as eskravs tau dem Her, Kristus.