Jeremias

5 Soo sägt Jehovaa: “Forflugt is dai mësch wat sich forlöt up ainfach lüür, wat sich up mësches kraft forlöt un wat sijn härts fon Jehovaa aflenkt. 7 Seegent is dai kërl wat sich up Jehovaa forlåte däit, wat sijn hofnung up Jehovaa hät. 8 Hai wart soo as air boom sin wat dicht ane wåter plant wart, un sijne wödels kåme hen bet dai wåter wat loope däit. Hai wart ni hait an sin in dai hait tijd wat kümt, åwer sijn blääre ware ümer gruin sin. In dai dröög jår däit hai ni sich kopbreeke, un däit wijrer frucht dråge. 9 Dat härts däit düler bedraige as irgends air anerd dail un is sër unruig. Wee kan dai kene? 10 Ik, Jehovaa, uunersuik dai härts un dat wat dai mësch denke däit taum jererm tröögtåle nå dat soo’s dai leewe däit un nå dat wat dai mökt.