Lucas

19 Dun, is hai in Jericó rinergåe un güng doir dai stad. 2 Dår wäir air kërl wat Zaqueu haite däir. Hai wäir schef fon dai wat stüür naime un wäir rijk. 3 Najå, hai wul Jësus saie, åwer dår wäire feel lüür un hai wäir sijd, dårweegen krëg hai em ni saie. 4 Soo is hai nå foir loope un is in aine groote boom rinerkråpe taum em saien, weegen hai däir dår forbij gåe. 5 Dun, as Jësus dår henkåme is, hät hai hoog keeke un hät tau em sägt: “Zaqueu, kåm rasch ruuner, weegen hüüt ik mut in dijm huus blijwe.” 6 Dun is hai rasch ruunerkråpe un hät em mit fruir in sij huus upnåme. 7 Ale häwe ane brumlen anfånge as sai dat saie häwe, sai sääre: “Hai is in aim süündige mësche sij huus bleewe.”