Salmo

34 Ik dau Jehovaa al tijd oiwer låwe. Mijn lipe daue em ümer låwe. 3 Daut Jehovaa ëre t’hoop mit mij. T’hoop låwe wij sijne nåme. 4 Ik häw beert tau Jehovaa, un hai hät mij antwoort. Hai hät mij fraimåkt fon al mijn angst. 7 Jehovaa sij ängel bliwt üm dai rümer wat Jehovaa gefale wile, un hai däit eer helpe. 8 Pruiwt un saie dat Jehovaa gaud is. Fröölig is dai wat an em sich behüüte däit. 10 Sogår dai jonge lööwe wat stark sin häwe hungret, åwer tau dai wat nå Jehovaa suike, fëgelt nischt gaures. 12 Wee fon juuch hät lust im leewend un wil feel fröölig dåg saie? 13 Den, behüüt dijn tung fone slechtigkët un dijn lipe fon loigen sägen. 14 Hul dij tröög fon dat wat slecht is un måk wat gaud is. Suik der freere un streng dij an for der. 15 Jehovaa sijn oogen sin oiwer dai gerechte, un wen dai hülp bire, em sijn oore daue dat hööre. 16 Åwer Jehovaa sij gesicht is gëgen dai wat måke wat slecht is, dat sai forgeete ware upe ër. 17 Sai häwe hoog raupe un Jehovaa hät eer höört. Hai hät eer fon eer gans nood fraimåkt. 18 Jehovaa is näig bij dai wat air forbråken härts häwe, Hai däit dai wat ån lust sin rere. 19 Dai gerecht hät feel slimhëte, åwer Jehovaa däit der fon dit ales rere. 20 Hai behüütet em sijn ganse knåken. Ni air fon eer is intwë bråke. 22 Jehovaa mökt sijn dijners eer leewend frai, kair fon der wat fon em sijn behüüten stel mökt, wart schuuldig reekent.