Lucas

15 Ale dai wat stüür naime un dai süündige sin na em ranerkåme taum em hööre. 2 Dai fariseus un dai escribas däire brumle: “Dës kërl nimt süündig lüür up un däit mit eer t’hoop eete.” 3 Dun, hät hai eer dit t’hoopmainen fortelt: 4 “Wen air fon juuch wat 100 schåp hät däit aine fon dai forlaire, däit ni dai 99 upm sandland låte un gäit hijner dem wat sich forlåre hät bet der fijne däit? 5 Un wen der fijne däit, hai nimt der upe schuuler un fröögt sich. 6 Un, wen hai na huus kümt, hai däit sijn fründe un dai nåwers t’hoopraupe un sägt tau eer: ‘Fröögt juuch mit mij, weegen ik häw mijne forlåren schåp fuune.’ 7 Ik dau juuch säge, up dai selwig årt, giwt mër frööligkët im himel weegen air süündig wat sich lëd däit as weegen 99 gerechte wat ni bruuke sich lëd daue. 10 Ik säg juuch, genau soo, frööge sich God sijn ängels weegen aim süündig mësch wat sich lërt däit.”