Mateus
10 Daut uppasse taum ni aine fon dës klaine forachte, weegen ik dau juuch säge dat eer ängels im himel daue ümer dat gesicht fon mijn Fåter saie, wat im himel is. 15 “Un nog, wen dij braurer ain süün mökt, dau mit em alaine dåroiwer reere. Wen hai dij horge däit, häst duu dijne braurer hulpe kreege. 16 Åwer, wen hai dij ni horgt, neem nog aine urer twai mit dij mit, dat, doir dat wat twai urer drai tüügen säge ales beståe wart. 17 Wen hai juuch ni horge wil, säg dat tau dai gemaind. Wen hai nijmåls dai gemaind horgt, dat hai soo wart tau dij as air mësch fon ande folk un soo as air wat stüür forlangt. 20 Soo, woo twai urer drai sich in mijne nåme forsamle, dår bün ik mang eer.” 21 “Her, wofeel måls mut ik mijn braurer forgeewe wen hai süün gëgen mij måke däit? Bet soiwen måls?” 22 Jësus hät sägt: “Ik säg dij ni bet 7 måls, åwer bet 77 måls.