Atos

14 Un sër feel kërls un fruuges häwe anfånge gloobe an dem Her häwe un dai grup däir tauneeme. 27 Soo, sai häwe eer in dai Sinédrio henbröcht. Un dai oiwerst praister hät eer uutfrågt 28 un hät eer sägt: “Wij häwe juuch ordnung geewt dat jij ni oiwer dës nåme inlëre schåle, åwer kijkt ais! Jij häwe Jerusalém fulmåkt mit juuch inlëren un jij wile oos dai schuld oiwergeewe for dës kërl sijne dood.” 29 Pedro un dai andrer apostels häwe antwoordet: “Wij muite God horge soo as dai wat regijre däit airer as dai lüür. 30 Dai God fone lüür woo wij afstame daue hät Jësus fom dood upleewt, wat jij doodmåkt häwe ane poste. 31 God hät em groot måkt an em sijne rechten kand, soo as Her un Dai wat Rert, dat Israel lëd wart un eer sijn süün forgeewt ware. 32 Wij sin tüügen oiwer dës daile, un dai hailig gaist, wat God geewt hät tau dai wat em horge soo as dai wat regijre däit, is uk tüügen.” 33 Dat sai dit höört häwe, sai sin sër wüütend woore un wule eer doodmåke. 34 Åwer air fariseu wat Gamaliel haite däir, wat dai Lei inlëre däir un dat folk gefale däir, is in dai Sinédrio upståe, un hät ordnung geewt dai sai schule dës kërls klain bits ruuterbringe. 35 Dun hät hai tau eer sägt: “Kërls fon Israel, passt up wat jij måke wile mit dës kërls. 36 Ain tijd trööguut, is Teudas kåme un däir säge hai wäir air wichtig mësch, un wënsig 400 lüür häwe em någåe. Åwer em häwe’s doodmåkt un dai wat em nagåe däire sin forströögt, un wat hai måke wul hät ni richtig geewt. 37 Nå dës mësch, in dai tijd as dai lüür telt ware däire, is Judas fon Galileia kåme un wek sin em någåe. Dës kërl is uk doodbleewe, un ale wat em någåe däire sin forströögt. 38 Dåweegen dau ik juuch säge: Daut dës kërls ni forstööre, låt eer im freere. Weegen wen dës arbëd fon kërls kümt un sai wile dat måke, dat wart al; 39 åwer wen dit fon God kümt, jij koine dit ni almåke. Süste, kan sin dat jij gëgen God strijre.” 40 Den sai häwe em formånen annåme. Sai häwe dai apostels werer raupt, häwe eer doirpijtscht, häwe eer ordnung geewt dat sai schule anhule fortele oiwer Jësus sijne nåme un häwe eer looslåte. 41 Sai sin fröölig uutm Sinédrio ruutergåe, weegen sai häwe slechte daile doirset weegen Jësus sijne nåme. 42 Un jërer dag, im godeshuus un huus bij huus, blëwe sai bij åne anhulen, an dai gaure nijges inlëren un preege oiwer Jësus Kristus.