Atos

12 Åwer häwe an Felipe glööwt as hai dai gaure nijges bekandmåkt hät fon God sij Regirung un fon Jësus Kristus sijm nåme, un soo kërls un fruuges sin tauwt woore. 14 As dai apostels in Jerusalém höört häwe dat dai lüür in Samaria dat Godes woord annåme hare, häwe’s dår henschikt Pedro un João, 20 Åwer Pedro säär tau em: “Dat’s duu un dij silwer uutrot ware, weegen duu häst dacht duu küüst God sij geschenk mit gild kööpe. 25 Nådem dat sai oiwerain tüüge geewt häwe un häwe oiwer Jehovaa sij woord fortelt, sin sai trööggåe nå Jerusalém un häwe’s dai gaure nijges preegt up feel stele in Samaria. 26 Åwer Jehovaa sij ängel säär tau Filipe: “Dau dij trechtmåke un gå na sul, nå dai stråt wat ruunergäit fon Jerusalém bet Gaza.” (Dit is dai stråt wat doir dai sandland gäit.) 27 Den, hät hai sich trechtmåkt un is gåe; un hät air eunuco etíope trufe, air wat macht har in Candace, köönigfruug fone etíopes sij regirung un däir behüüte dai ganse daile mit wërd wat sai har. Hai is nam Jerusalém hengåe taum anbeere 28 un däir tröögkåme. Hai sait in sijne wåge un däir hoogleese dai profët Isaías. 29 Dai gaist hät sägt tau Filipe: “Gå na dem wåge hen.” 30 Filipe is gëgen der wåge loope un hät der eunuco hoogleese höört dai profët Isaías. Hai hät frågt: “Forstäist duu wat’s duu dår leest?” 31 Dai eunuco hät antwoordet: “Woo kan ik dat forståe wen dår kair is wat mij inlërt?” un hät forlangt tau Filipe hai schul sich hensete bij em. 32 Dit wäir dat stük fon dai Sriwt wat hai luur leese däir: “Soo’s air schåp hai is henbröcht woore taum afslacht ware, un soo as dat jong schåp wat stil blijwt foir der wat sijn wul afsnijrt un hai hät nischt sägt. 34 Dun dai eunuco hät Filipe frågt: “Kast duu mij säge fon wem däit dai profët fortele? Fon em selwst urer fon anerd kërl?” 35 Filipe hät anfånge fortele un fon dai sprüüch fone Sriwte an, hät hai em dai gaure nijges oiwer Jësus bekandmåkt. 36 As sai upm stråt wäire, sin sai up ain stel kåme woo wåter wäir, un dai kërl fon Etiópia hät sägt: “Kijk! Hijr is wåter! Wat forbairt mij dat ik mij tauwe låt?” 38 Dun, hät hai forlangt dat dai wåge stil ståe schul, dai kërl fon Etiópia un Filipe sin albëd in dat wåter rinergåe, un Filipe hät em tauwt.