1. João

6 Wij kåme fon God. Wee God kent däit oos horge; wee ni fon God kümt däit oos ni horge. Is soo dat wij klår saie dat uutspreeken wat fon dai wårhët kümt un dat uutspreeken wat fone falschhët kümt. 7 Lijb lüür, wij wile bijblijwe air der ande lijbe, weegen dat lijb kümt fon God, un jërer ainsig wat lijbe däit is geboore woore fon God un däit God kene. 8 Wee ni lijbt däit God ni kene, weegen God is lijb. 9 Doir dit hät sich weese God sij lijb tau oos: God hät sij ainsiggebooren Kind upt wild schikt dat wij doir em dat leewend krijge koine. 10 Dat lijb bedüürt dit: ni dat wij God lijbt häwe, åwer hai hät oos lijbt un hät sij Kind schikt taum doodblijwe dat oos süün forgeewt wart. 11 Laiwe lüür, wen God oos soo lijbt hät, den häwe wij uk dat oiwer oos air der ander lijbe. 16 Un wij kene dat lijb wat God hät oiwer oos un daue an dit lijb glööwe. God is dat lijb, un wee bliwt in lijb bliwt in ainigkët mit God, un God bliwt in ainigkët mit dem. 19 Wij lijbe weegen hai hät oos airste lijbt. 20 Wen air sägt: “Ik lijb God”, un nog sijne braurer hasst, is air loiger. Weegen wee ni sijne braurer lijbt, wat dai süüt, kan ni God lijbe, wat dai ni süüt. 21 Un wij häwe kreege fon em dit geboot: dai wat God lijbt mud uk sijn braurer lijbe.