Mateus

6 Åwer, as dem Herodes sij geburtsdag wäir, Herodias sij määke hät danst foir dai lüür un dat hät Herodes sër gefale 7 dat hai tau eer forspråke hät eer geewe irgends wat sai forlange däir. 8 Dun, taureert fon eer mama, sai säär: “Geew mij hijr, in aine schötel, João Batista sijne kop.” 9 Lijkerst dat dai köönig traurig wäir, åwer weegen dat wat hai forspråke har un weegen dai lüür wat mit em t’hoop eete däire, hät hai ordnungs geewt dat eer dai kop geewt wöör. 10 Soo, hät hai forlangt dat, ine kadë, João sij kop afhoogt wöör. 13 As hai dit hört hät, Jësus is fon dår weggåe mit air klain schif up ain anerd stel taum alaine blijwe. Åwer feel lüür, as sai dat waiten kreege häwe, sin em fone stäärer tau faut någåe. 14 As hai uutm schif ruutergåe is, hai hät feel lüür saie; un hät beduurnis fornåme un hät eer kranke gesund måkt. 17 Sai häwe em antwoort: “Wij häwe nischt wijrer, as bloos fijw bröör un twai fisch.” 18 Hai säär: “Bringt dai hijr hen.” 19 Hai hät tau dai lüür sägt sai schule sich up gras sete. Dun hät hai fijw bröör un twai fisch nåme, hät nam himel keeke un hät air gebeed måkt. Un nådem dat hai dai bröör doirbråke hät, hät hai der jüngers dat afgeewt un dai häwe der lüür dat indailt. 20 Soo, ale häwe geete un sin sat woore. Un häwe dai stüke wat oiwrig bleewe sin t’hoopsamelt, twölw körf ful. 21 Dai wat dår geete häwe wäire wënsig 5.000 kërls, un wäire nog fruuges un kiner. 23 Nå as hai dai lüür wegschikt hät, hai is alaine rupergåe upe barg taum beeren. As dat åwend woore is, hai wäir dår alaine. 30 Åwer, as hai nå dem sturmwind keeke hät, hai hät sich ängst. Un as hai anfånge hät uunergåe, hät raupe: “Her, rer mij!” 31 Glijk hät Jësus sijn hand taugreepe un hät sägt: Mësch mit wënige gloobe, woweegen häst duu der twijbel oiwerhand gåe låte?