Gênesis

4 Dit is dai geschicht fon dai himels un fon dai ër, in dai tijd woo sai måkt woore sin, in dem dag woo Jehovaa God dai ër un de himel måkt hät. 7 Un Jehovaa God hät der kërl fon stow måkt un hät in sijn nääs löcher dai luft fom leewend rinerpuust, un dai kërl is air leewig mësch woore. 9 ... dai boom fon dem kenen wat gaud un wat slecht is. 15 Jehovaa God hät der kërl nåme un hät der in dem Eden gåre henmåkt, dat hai der bearbëre schul un uppasse. 16 Un Jehovaa God hät uk dës ordnung tau dem kërl geewt: “Fon jërer boom in dem gåre kast dij sat eete. 17 Åwer, oiwer dem boom fom kenen fon dat wat gaud un slecht is, dau dårfon ni eete, weegen der dag wen’s duu dårfon eete däist, gewislig däist duu doodblijwe. 18 Dun hät Jehovaa God sägt: ‘Is ni gaud dat dai kërl alaine blijwt. Ik måk ain taum em helpe, wat mit em t’hooppasse däit.’ 22 Un, Jehovaa God hät dai fruug fon der riw måkt un hät dem kërl dai bröcht. 23 Dai kërl hät dun sägt: “Den, dës is knåke fon mijn knåken un flaisch fon mijn flaisch. Sai wart ‘fruug’ nent, weegen fom kërl is sai måkt woore.” 24 Is dårweegen dat dai kërl däit sijne papa un sijn mama låte, un mut sich anhule an sijn fruug, un sai bëd ware soo as bloos air.