Efésios

5 Den, daut God nåmåke soo as lijblig kiner, 2 un daut bijblijwe in dem weeg fom lijb gåe, soo as Kristus oos lijbt hät un hät sich afgeewt for oos soo as air dail taum anbairen, dat däit gaud rüüke un däit God gefale. 3 Daut nischt fortele oiwer huurerig, oiwer al dai daile wat ni rëgen sin un oiwer dai grootoogen, soo as dai hailig lüür måke muite, 4 daut uk nischt fortele wat ni fornünftig is, wat dumhët is, wat soigisch is, daile wat ni gaud sin. Åwer laiwer dankt God. 5 Weegen dit waite jij un daue forståe: dat dai wat huurerig mökt, dai wat ni rëgen is, dai wat grootoogen hät - wat soo is as falsche godes anbeere - däit nischt ärbe im regirung fon Kristus un fon God. 6 Låt juuch ni mit loigen bedraige, weegen doir dës daile kümt God sij wuut oiwer dai wat em ni horge. 7 Dårweegen häwt kaine ümgang mit dai. 8 weegen airste jij wäire düüster, åwer nuu sin jij licht in ainigkët mit dem Her. Daut bijblijwe gåe soo as kiner fom licht, 9 weegen dat licht drögt ales wat gaud, gerecht un wår is. 10 Wäst juuch ümer sicher fon dat wat dem Her gefale däit 15 Den, passt juuch up taum ni gåe soo as dai dume, åwer soo as dai klauke lüür. 16 Benutst juuch tijd up dai best årt, weegen wij leewe in ain slim tijd. 17 Dårweegen hult an unfornünftig sin, åwer daut forståe wat Jehovaa sijne wile is. 18 Uk, daut ni mit wijn besåpe ware, weegen soo krigt dai mësch sich ni hule, åwer bliwt fuul hailig gaist. 19 Fortelt inenaner mit salms, mit lijre tau God, mit hailig lijre. Daut musiks singe un speele uutm härts tau Jehovaa. 20 Dankt ümer oose God un Fåter for al daile, in oosem Her Jësus Kristus sij nåme. 22 Dai fruug mut der kërl ëre, soo as der Her, 23 weegen dai kërl is her oiwer dai fruug, soo as Kristus her oiwer dai gemaind is un dai wat dëse körper rere däit. 24 Wirklig, soo as dai gemaind uuner Kristus sij ordnung stäit, dai fruug stäit uk uunerm dem kërl sijn ordnung in ales. 25 Kërl, dau wijrerblijwe dijn fruug lijbe soo as Kristus uk dai gemaind lijbt hät un sich for eer afgeewt. 26 taum dai gemaind hailig måke, un rëgen in båren mit wåter doir God sij Woord, 27 soo kan hai eer tau sich selwst foirstele in al eer fainigkët, åne pläken, åne fule, urer irgends soo wat, åwer hailig un åne fëgel. 28 Neemlig soo, dai kërl mut sijn fruug lijbe soo as sijne aigen körper. Dai kërl wat sijn fruug lijbe däit, lijb sich selwst, 29 weegen ni air kërl hät sijne aigen körper hasst, åwer däit der ernääre un uppasse soo as Kristus mökt mit dai gemaind, 31 “Dårweegen löt dai kërl sijne papa un sijn mama un hült sich an sijn fruug un dai bëd ware soo as bloos air.” 33 Nog soo, jërer ainsig fon juuch mut sijn fruug lijbe soo as sich selwst, åwer dai fruug mut eene kërl uutm härts ëre.