1. Coríntios

11 Måkt mij nå, soo as ik Kristus nåmåke dau. 3 Åwer, ik wil dat jij waite dat, dat dai her fon jërer kërl Kristus is; dai her fon dai fruug is dai kërl; un dai her fom Kristus is God. 23 Ik säg juuch wat dai Her mij geewt hät: dat dai Her Jësus in dai nacht woo hai bedraigt ware däir, hät air brood nåme, 24 un, nådem dat hai dankt hät, hät dat doir bråke un hät sägt: “Dit bedüürt mij körper, wat geewt wart taum juuch helpe. Daut dat ümer werer taum andenken an mij.” 25 Hai hät dat neemlig måkt mit dat glas. Denåste as sai geete hare, hai hät sägt: “Dit glas bedüürt dai nijg akord doir mij blaud. Daut dat ümer werer wen jij dat drinke, taum andenken an mij.” 26 Weegen, ümer wen jij fon dësem brood eete un fon dësem glas drinken, daue jij dem Her sijne dood bekandmåke, bet hai kåme däit.