Salmo

51 Wijs mij gaurigkët, ach God, soo’s dijn reäl lijb. Lösch mijn süün uut weegen dijn barmhärtsigkët is groot. 2 Wasch mij gans un går rëgen fon dai forkërde daile wat ik måkt häw un måk mij rëgen fon mijn süün. 5 Kijkas! Mit schuld bün ik al geboore, un in süün hät mijn mama mij hat. 6 Ik wait dat’s duu dij frööge däist wen’s duu wårhët fijne däist in der mësch sij härts. Dau dai wår klaukhët inlëre tau dai mësch wat ik inwarts bün. 10 Help mij air rëgen härts häwe, ach God, un leg in mij ain nijg un stram gaist. 11 Dau mij ni foir dij wegschike un neem mij ni dijn hailig gaist weg. 12 Geew mij tröög dai frööligkët fon dij reren. Wök in mij up dai wünsch taum dij horge. 14 Måk mij frai fon dai schuld oiwer dem blaud, ach God, God wat mij rert, dat mijn tung mit lustigkët dijn gerechtigkët säge. 17 ... Ain forbråken un traurig härts, ach God, däist duu ni forachte.