Romanos

11 Weegen ik wil sër gërn juuch saie, taum juuch stärke im gloobe dat jij stark blijwe, 12 urer nog beeter, taum air dem andrer koråsch geewe doir oose gloobe, soo doir juuche as doir mijne. 14 Dai lüür fon Grécia un uutlandisch, uk dai uutgelërte un wat ni uutgelërt häwe, ik bün eer schüülig. 15 Soo, bün ik lustig taum dai gaure nijges bekand måke tau juuch uk wat in Roma sin. 16 Në, ik dau mij ni schääme weegen dai gaure nijges. Dai sin wirklig, dai macht fon God taum reren jërer mësch wat gloobe hät. Airst taum dai judeu un uk taum dai grego. 17 In eer, God sijn gerechtigkët is weese doir gloobe un taum gloobe, soo as sreewe stäit: “Åwer dai gerecht däit leewe doir der gloobe.” 18 God sij wuut is wijsen fon himel gëgen al dai slechtigkët un ungerechtigkët fon dai lüür wat mit ungerechtigkët dai wårhët forsteeke, 19 weegen wat man waite kan oiwer God is gans klår saien mang eer, weegen God hät dat klår låte tau eer. 20 Weegen em sijn moors wat wij ni saie koine – soo’s sijn macht up ümer un dat hai wirklig God is – sin klår saien fom anfang fone wild an, weegen dai sin forspoirt doir dai gemåkt daile, soo koine sai kain uutreer måke. 24 Den, soo as dai wünsch fon eene härts wäir, God hät eer afgeewt tau dat wat ni rëgen is, dat sai eeklig daile mit eene körper maike. 26 Dårweegen God hät låte dat sai soigisch wünsch hare soo dai fruuges häwe ümtuuscht eer wünsch taum seks måke as dat müst sin, 27 soo dai kërls häwe uk ümtuuscht der wünsch taum seks måke mit der fruug as dat müst sin un häwe groote wünsch air mit der andrer, kërl mit kërl, sai måke wat hässlig is un sai ware dul stråft weegen sijn süün. 28 Dat sai uutsöcht häwe dat däit ni loone God kene, God hät eer låte ine gedanke häwe wat hai ni annimt, taum daile måken wat sai ni måke müste. 32 Lijkerst dat sai gaud God sijn gerecht geboote kene, dat dai wat dës daile måke sin wërd doodblijwe, sai daue dat ni bloos måke, åwer sai neeme uk an dai wat dat måke.