1. Pedro

2 Soo as dai klain kiner wat grår geboore sin, dat jij gërn dat schijr melk häwe wile fon dem woord, dat jij dårdoir wasse daue taum rert ware. 9 Åwer jij sin “uutgesöcht rass, praisters taum regirung, hailig folk, erbschaft folk mit groote wërd, taum dai gaure moors säge” fon dai wat juuch raupe hät fon dai düüster taum dai fain licht. 10 Weegen airste wäire jij kair folk åwer nuu sin jij God sij folk, airste wäire jij ni mit barmhärtsigkët behandle, åwer nuu häwe jij barmhärtsigkët kreege. 12 Behult gaure moors mit dai lüür fon dem andrer folk, wen sai juuch updrüke daue soo as slecht, dat sai saie koine dai gaure daile wat jij måke, un daue God ëre in dere dag wen hai ales nåkijke däit. 13 Weegen dem Her, ståt uuner ales wat dai lüür inset häwe, soo’s air köonig wat oiwer juuch is 14 urer dai wat regijre daue, soo’s dai wat schikt sin fon em taum dai slechte stråfe un dai låwe wat måke wat gaud is. 17 Daut al sort lüür ëre, lijbt al bruirers un swesters, daut God sër respektijre un daut der köönig ëre. 20 Wone fordainen häwe jij, wen jij slåe ware weegen süündig sin un hule dat uut? Åwer, wen jij nood uuthule weegen jij måke dat wat gaud is, dat gefült God. 21 Wirklig, tau dit sin jij raupe woore, weegen dai aigen Kristus hät nood for juuch uuthule, dat jij em sijn sride gans genau någåe daue. 22 Hai hät kain süün måkt, un kain falschët is in sijne wöör fuune. 23 Wen hai schimpt ware däir, däir hai ni tröögschimpe. Wen hai nood uuthule däir, däir hai ni tröögtåle, åwer hai däir sich upforlåte up dem wat mit gerechtigkët gerichte däit. 24 Hai selwst hät oos süün up sijn körper drågt, upm poste, dat wij doodblijwe däire tau oos süün un leewe däire tau dai gerechtigkët. Un doir sijn slime sin jij hailt woore.