Judas

1 Fon Judas, eskrav fon Jësus, åwer Tiago sij braurer, tau dai uutgesöchte wat God, dai Fåter, lijbe däit un wat apart måkt woore sin tau Jësus Kristus: 3 Lijb lüür, ik häw mij anstrengt taum juuch hensrijwe oiwer dat reren wat wij ale häwe koine, åwer ik däir maine dat naug is dij hensrijwe dat jij stark kämfe daue for dai gloobe wat tau dai hailige geewt woore air mål up ümer. 4 Dat is weegen wek kërls sin mank juuch kåme, woo lang tijd foirheer dai Sriwt oiwer sägt hät, sai wäire taum gericht ware. Sai häwe kaine gloobe un daue dai gaurigkët fon oosem God, wat wij ni wërd sin, benutse taum slechte daile måke un sai sin falsch foir dai wat wij tauhööre, foir oos ainsig Her, Jësus Kristus. 9 Åwer, as Miguel, dai oiwerst ängel, hät sich mit dem Düüwel streere weegen Moisés sij körper, hai hät em ni gericht mit slechter wöör, åwer hai hät sägt: “Dat Jehovaa dij stråwe schal.” 20 Åwer jij, mijn lijbe lüür, stärkt juuch hailig gloobe un daut beere mit hailig gaist, 21 dat jij juuch an God sij lijb hule, solang as jij luure dai barmhärtsigkët fon oosem Her Jësus Kristus, dat leewend up ümer foiruut saie. 24 Tau dai wat juuch behüüte kan dat jij kain süün måke daue un helpt dat jij åne fëgel un mit groot lustigkët, ståen blijwe daue foir sij herligkët, 25 tau dai ainsig God, dai wat oos reere däit, doir Jësus Kristus, oos Her, daue wij em dai herligkët, dai kraft un dai macht geewe un daue bekene dat hai dai recht hät taum regijre fon al dai tijd wat forbij gåe is bet nuu un bet al dai tijd wat nog kåme däit. Amen.