Deuteronômio

3 Dau ni mit eer frijge. Dau ni juuch määkes geewe taum mit eer jonges frijge un dau ni eer määkes neeme taum mit juuch jonges frijge. 4 Weegen sai daue måke dat juuch kiner ni mij horge daue, un juuch kiner daue andrer godes dijner. Den, wart Jehovaa wüütend mit juuch un hai däit juuch glijk uutrote. 5 “Åwer jij muite mit eer soo måke: daut een altars uutrote, daut een stain stijls uutrote, daut een hult stijls ruunerrijte un daut een gemåkt daile forbrene. 6 Weegen jij sin ain hailig folk tau Jehovaa, juuch God. Jehovaa, juuch God, hät juuch uutsöcht taum em sijn folk ware, air dail wat em hööre däit un feel wërd hät mank dai folk wat upe ër sin. 7 “Jehovaa hät juuch lijb weese un juuch uutsöcht, ni weegen jij dai grötster folk wäire, në, jij wäire dai klänst folk. 8 Åwer weegen hai juuch lijbt hät un weegen hai måkt hät soo as hai forspråke har tau juuch früüsch fründe, dårweegen hät Jehovaa juuch dår ruuterhålt mit stark hand taum juuch fraimåke fon dat land fon swåre arbëd un fon Farao, köönig fon Egito, sijne hand. 9 Jij daue gaud waite dat Jehovaa, juuch God, dai wår God is, reäl God, wat dai akord mit juuch hule däit un em sijn rëal lijb bet dai duusend afstamige fon dai wat em lijbe daue un em sijn geboote horge daue. 10 Åwer hai däit dai wat em hasse daue tröög betåle un däit eer uutrote. Däit ni lang duure dat hai wat måke däit gëgen dai wat em hasse daue. Hai däit dai tröögbetåle. 11 Den pass genau up taum dai geboote, ordnungs un leis horge wat ik hüüt juuch geewe dau.