1. Pedro

3 Neemlig soo, duu, fruug, must uuner dem kërl sijn ordnung sin, weegen wen hai ni God sij woord horgt, kan hai gewune ware åne wöör, doir dai fornünftigkët fon sijne fruug, 2 doir tüüge sin dat hai eer gaur fornünftigkët saie hät t’hoop mit groot ëren. 3 Låt dat ni dijn fainhët uutwarts sin schal, soo as geflechte håre, guldig daile anmåke taum fain sin urer sich sër fain antreke, 4 åwer dat sin schal dai mësch wat’s duu im härts büst, mit dai fainhët wat ni alwart, wat fon dai ruig un fråm gaist kümt, wat foir God sij oogen groote wërd hät. 5 Weegen wäir soo as dai hailige fruuges ine früüsche tijd wat up God luure däire sich uutsmükte un stüüne uuner eer kërls, 7 Neemlig soo, duu, kërl, dau bijblijwe mit dijn fruug t’hoop wåne nå dem kenen. Dau eer ëre soo as air pot wat licht forbreekt, dai fruug, weegen sai däit uk ärbe t’hoop mit dij dat geschenk fon leewend, dat dij beeren ni forstöört wart. 8 Den, daut ale oiwerain denke, forneemt wat andrer forneeme, häwt lijb soo’s bruirers un swesters, groot beduurnis un gewöönligkët. 9 Daut ni slechtigkët mit slechtigkët tröögtåle un daut ni schimpe dai wat dij schimpe däit. Nog as dit, daut mit ain seegend tröögtåle weegen jij sin dårtau raupe woore, dat jij ain seegend krijge daue. 10 Weegen ‘dai wat dat leewend lijbe däit un wil fröölig dåg saie, mud sijn tung uppasse fon dat slechte un sijn lipe fon dai loigen. 11 Dat dai sich weglenke däit fon dat wat slecht is un mökt wat gaud is. Dat hai der freere suike däit un däit sich anstrenge taum der krijge. 12 Weegen Jehovaa sijn oogen sin oiwer dai gerechte, un sin oore daue eer biren hööre, åwer Jehovaa sij gesicht is gëgen dai wat slechte daile måke.” 14 Lijkerst dat jij slechte daile doirsete daue weegen dai gerechtigkët, jij ware fröölig sin. Åwer, häwt kain angst fon dat wat sai angst häwe, un daut ni unruig blijwe. 15 Måkt dai Kristus hailig in juuch härts soo’s Her, dat jij ümer trecht sin wen juuch air fråge däit woweegen as jij hofnung häwe. Åwer måkt dat mit sër feel fråmhët un ëren. 16 Bliwt bijm aine gaure forstand häwe, ... 18 Den, Kristus is bloos ais for dai süün doodbleewe, air gerecht mësch up feel ungerechte lüür, dat sai küüne näig an God ranerkåme. Hai is doodmåkt woore im flaisch körper åwer is upleewt woore as air gaist. 19 Un soo is hai hengåe un hät tau dai gaiste wat inspuunt sin preegt, 20 wat ni horgt häwe as God mit geduld luure däir in Noé sijn tijd, solang as dat kaste buugt ware däir, woo in wënig lüür wäire, bloos acht, wat rert woore sin fon dat groot reegen. 21 Dat tauwen, wat mit dit t’hoopmaint, däit juuch uk nuu rere (ni doir juuch der drek fom körper afwasche, åwer doir biren tau God taum aine gaure forstand häwe), doir Jësus Kristus sij upleewen. 22 Hai is an God sijn rechten sijr, weegen is nam himel gåe un ängels, dai macht un kraft sin em oiwergeewt woore.