Lucas

12 Glijk nåheer, hät Jësus dai mësch wat em nöögt har sägt: “Wen’s duu aine nööge däist taum mirdag urer åwendbrood eete, raup ni dijn amigos, uk ni dijn bruires, ni dijn fründe, uk ni dijn rijk nåwers lüür. Weegen bijnå gans sicher sai daue dij uk weere tröög nööge. 13 Wen’s duu air disch mit eeten anbaire däist, nöög dai arme, dai wat ni gåe koine, dai blijnde; 14 un duu warst fröölig sin weegen sai häwe går nischt taum dij werer tröög geewe. Weegen duu warst beloont in dat upleewen fon dai gerechte.” 27 Wee ni sijne post dråge däit un mij ni någåe däit, kan ni mij jünger sin. 28 Soo, wen’s duu aine turm buuge wilst, däist duu dij ni airste hensete taum t’hoopreekne wat dai kost taum saien of’s duu sofeel häst taum der trecht buuge? 29 Wen’s duu dat ni måke däist, duu däist eer fundament anfänge, åwer däist dat ni trecht krijge un ale wat dat saie daue, daue oiwer dij spote. 30 Sai daue soo säge: ‘Dës mësch hät anfånge buuge, åwer hät dat ni trecht kreege.’