1. Timóteo

3 Dat is gaud un gefült God, dai wat oos rere däit, 4 wat wünscht dat al sort lüür rert ware un dat genau kenen fone wårhët häwe. 5 Weegen is bloos air God un tüschen God un dai lüür is bloos air wat helpe däit: air kërl, Jësus Kristus, 6 wat sij leewend geewt hät soo’s air prais for ale lüür. Ine richtig tijd wart tüügen geewt oiwer dit. 9 Neemlig soo, dai fruuges schåle sich mit schik beklëre, sich uutsmüke mit fornünftigkët un gaure forstand, ni mit ingeflechtig hår, ni mit guld urer mit pérolas, uk ni mit tüüg wat sër düür is, 10 åwer, mit gaure arbëd, soo’s dai fruuges wat säge sai daue God horge. 12 Ik dau ni erlaube dat dai fruug inlëre däit uk ni dat sai oiwer der kërl is, åwer sai mut stil blijwe. 13 Weegen Adam is airst måkt woore, nåheer Eva. 14 Uk, Adam is ni forfuirt woore, åwer dai fruug is gans un går forfuirt woore un is süündig woore.