Mateus

6 Mir ine nacht hawe’s air hoog raupen höört: ‘Dai bruudman is hijr! Kåmt em int gëgend.’ 7 Al dai ërlige määkes sin upståe un häwe een lampe in ordnung måkt. 8 Dai dume häwe tau der forständig sägt: ‘Geewt oos bits fon juuch ööl, süste daue oos lampe uutgåe.’ 9 Dai forständig häwe antwoordet: ‘Kan öftens ni naug tau oos un tau juuch sin. Gåt hen nå dai wat ööl forköft un daut juuch bits kööpe.’ 10 Solang as sai weg wäire taum ööl kööpe, dai bruudman is kåme. Dai ërlige määkes wat trecht wäire sin mit em nan hochtijdsfest gåe un dai doir is taumåkt woore. 13 “Den, daut wåken blijwe, weegen jij waite ni der dag uk ni dai stuun. 19 “Nå ain lang tijd, dai her is kåme un hät reken måkt mit dai eskravos. 20 Den, dai wat fijw talentos kreege har, is foir em hen kåme mit nog andrer fijw talentos un hät sägt: ‘Her! Duu häst mij fijw talentos oiwergeewt. Kijkas! Ik häw nog andrer fijw talentos fordaint.’ 21 Em sij her hät tau em sägt: ‘Sër gaud, reäl un gaur eskrav! Duu büst reäl wääst in pår daile uppasse. Ik dau dij feel daile oiwergeewe. Fröög dij t’hoop mit dij her.’ 22 Nåheer, dai wat twai talentos kreege har, is uk foir em hen kåme un hät sägt: ‘Her! Duu häst mij twai talentos oiwergeewt. Kijkas! Ik häw nog andrer twai talentos fordaint.’ 23 Em sij her hät em sägt: ‘Sër gaud, reäl un gaur eskrav! Duu büst reäl wääst in pår daile uppasse. Ik dau dij feel daile oiwergeewe. Fröög dij t’hoop mit dij her.’ 31 “Wen dat Kind fom Kërl in sijn herligkët kümt, un mit em t’hoop al dai ängels, den däit hai sich up sijne herlige troon sete. 32 Al dai folke ware foir em forsamelt, un hai däit dai lüür uutananerdaile air fon andrer, soo as air schåpuppasser dai schåpe fone seege uutananerdailt. 33 Un hai mökt dai schåpe an sijn rechten sijr, åwer dai seege an sijn linken sijr. 34 “Dai köönig sägt den tau dai an sijne rechten sijr: ‘Kåmt ale jij, wat mij Fåter seegent hät, ärbt der Regirung wat trecht måkt woore is tau juuch, fon anfang an fone wild.