Números

16 Den Corá, Izar sijn jong, Coate sijn jong, Levi sijn jong is t’hoop mit Datã un Abirão, Eliabe sijn jonges kåme, un Om, Pelete sijn jong, fon Rubem sijn jonges. 2 Sai häwe sich gëgen Moisés stelt t’hoop mit andrer 250 israeliten, schefs fon dat folk, dai wat uutsöcht wäire ine gemaind, bekand kërls. 3 Sai häwe sich t’hoop gëgen Moisés un Arão måkt un häwes eer sägt: “Oos is dat oiwer mit juuch! Dat gans folk, dai ale, sin hailig un Jehovaa is mank eer. Den, woweegen daue jij juuch hööger stele oiwer Jehovaa sij gemaind?” 4 As Moisés dit horgt hät, hai hät sich glijk ruunerböögt un na ër keeke. 5 Dun hät hai sägt tau Corá un dai wat em bijståe däire: “Morgens, däit Jehovaa wijse wee höört em, wee hailig is un wee na em kåme mut. Un dai mësch wat hai uutsuike däit, däit na em kåme. 6 Daut dat måke, Corá un ale wat dij bijståe daue: Daut schötels neeme tau hailig rüükend anbaire 7 un morgen daut dårin hait kåle un hailig rüükend foir Jehovaa rinermåke, un dai kërl wat Jehovaa uutsuike däit is hailig. Is al naug, Levi sijn jonges!” 8 Dun hät Moisés Corá sägt: “Levi sijn jonges, daut horge. 9 Maine jij ain klain dail dat dai God fon Israel juuch apart låte hät fon dat folk fon Israel un måkt hät dat jij näig an em kåme däire taum tau em arbëre in Jehovaa sijn hüt un foir dat folk blijwe taum eer dijne? 10 Hai hät måkt dat jij näig an em kåme däire t’hoop mit dijn ganse bruirers, Levi sijn jonges. Nuu wile jij uk dai arbëd fon dai praister häwe? 11 Dårweegen duu un ale dij bijståe daue, wat t’hoop sin, sin gëgen Jehovaa. Un wee is Arão dat jij oiwer em klåge daue?” 32 Dai ër is upgåe un hät eer inslukt t’hoop mit dai fon eene hüüser, ale dai wat Corá tauhööre däire un al sijn daile. 35 Dun, is füür fon Jehovaa kåme un hät dai 250 kërls wat hailig rüükend anbaire däire gans un går forbrent.