Levítico

10 “‘Wen air kërl fon Israel sijn folk urer ain uutlandisch wat mank juuch wåne däit, irgends ain sort blaud eete däit, gans sicher dau ik gëgen dai blijwe wat dat blaud eete däit un ik dau dai doodmåke. 11 Weegen dat leewend in dat wat leewt is dat blaud, un ik selwst häw juuch dat geewt dat jij dårmit up dem altaar juuch süün rëgne daue. Weegen doir dat blaud wart dai süün forgeewt, doir dat leewend wat dat hät. 13 “Wen air israelite urer air uutlandsch wat mit juuch t’hoop wåne däit, air wijldtijr jagte däit urer air feerefai wat’n eete kan, dai mut dat blaud uutloope låte un mite ër taurake. 14 Weegen dat leewend fon ales wat flaisch is, is sij blaud, weegen dat leewend is im blaud. Dårweegen häw ik tau dai israeliten sägt: “Daut kair blaud eete fon ales wat flaisch is, weegen dat leewend fon ales wat flaisch is, is sij blaud. Wee dat eete däit wart uutrot.”