Dai Bijbel mökt dat leewend aners

“Ik har taufeel frågen in kop.” — RAUDEL RODRÍGUEZ RODRÍGUEZ

IS GEBOORE WOORE: 1959

LAND: CUBA

GESCHICHT: HAI WÄIR GËGEN DAI REGIRUNG

WAT IK BELEEWT HÄT: Ik bün geboore in Havana stad, Cuba, un bün uptrekt woore in ain arm stel woo feel strijrerig wäir. Mitm tijd däir ik gërn mage judô måke un andrer strijre soo as dës.

Ik wäir air gaur schaulekind un mijn papa un mama wule häwe ik schul uutgelërt wart. In dai schaul häw ik saie dat dat regirung in mijne land ümstelt ware müst. Mite tijd häwe ik gëgen bleewe fon dai regirung. Ik un air in mijne schaul, wij bëd häwe air fone poliss slåe un em sij wafen wegnåme. Weegen dës strijd wij häwe em sër slåe in kop. Wij sin inspuunt woore un sogår sai wule oos t’hoop schaite. Ik har küüt doodbleewe sin as ik 20 jår har!

As ik inspuunt wäir, dun däir ik dår angrüüwle woo ik dat wijse däir dat ik kain angst har as ik foir der soldåte wäir wat mij schaite wule. Åwer, ik har taufeel frågen in kop soo as: ‘Woweegen is sofeel ungerechtigkët ine wild? Giwt dat bloos dit leewend

DAI BIJBEL HÄT MIJN LEEWEND ANERS MÅKT: Mite tijd häwe sai dat aners måkt mit oos. Sai häwe oos ni doodmåkt woore, åwer sai häwe oos 30 jåre inspuunt låte. Dës tijd oiwer häw ik Jehovaas Tüügen kent, sai wäire inspuunt weegen eere gloobe. Ik häw mij bewunret woo sai beschafe wäire. Sai hare koråsch, åwer sai däire sich ni strijre. Sai wäire inspuunt, åwer ni weegen sai air forkërd dail måkt hare. Åwer nog soo, wäire sai ni wüütend un uk ni arglig.

Jehovaas Tüügen häwe mij inlërt dat God wat gaures in wile hät tau dai lüür. Sai häwe mij weese ine Bijbel dës wild wart in Paradijs woo dat kair slime lüür un ungerechtig giwt. Ik häw lërt dës wild wart bloos mit gaure lüür ful. Dai koine hijr leewe upe Ër mit fruir up ümer. (Salmo 37:29)

Mij däir dat sër gefale wat ik lëre däir mit Jehovaas Tüügen, åwer ik wäir gans aners beschafe as sai. Ik däir unmööglig maine dat ik mij ni formische däir mit dai politik un däir uk unmööglig maine dat ik im freere blijwe däir mit dai ande. Dårweegen häw ik mij innåme dai Bijbel alaine leese. As ik dai doirleest häw, ik häw saie dat bloos dai Jehovaas Tüügen wäire soo as dai wat Kristus någåe däire.

Dat lëren oiwer dai Bijbel hät mij weese dat ik müst groot ümstelen måke, soo as ik har ine moor sër feel slechte wöör säge. Dårweegen müst ik ümstelen måke taum beeter fortelen, müst uk anhule ane rooke un dürst uk ni mër mij mankmische mank dai politik. Dat wäir ni licht for mij, åwer mit Jehovaa sijn hülp mite tijd häw ik dat trecht måkt kreege.

Air dail wat sër slim wääst is for mij, is mij selwst hule krijge. Bet hüüt hen dau ik tau Jehovaa beere un em hülp forlange dårtau. Sprüüch fone Bijbel soo as Provérbios 16:32 daue mij sër helpe, dår sägt: “Wee ni licht wüütend wart is beeter as air stark mësch, un dai wat sich hule krijgt is beeter as dai wat ain stad oiwerhand nimt.”

In 1991, bün ik tauwt woore soo as Tüügen fon Jehovaa as ik nog ine kadë wäir. In dai anerd jår, ik un nog wek andrer sin looslåte woore fone kadë un henschikt woore nam Espanha, weegen wij hare dår wek fründe. Glijk as ik dår henkåme bün, häw ik anfånge mij forsamle mit Jehovaas Tüügen. Sai häwe mij dår soo gaud upnåme dat soo uutsaigt dat wij oos jåre lang al kene däire. Sai häwe mij hulpe air nijg leewend anfänge.

WOO DAI BIJBEL MIJ HULPE HÄT: Ik bün air fröölig kërl un dau God dijne t’hoop mit mijn fruug un oos määkes. Däit mij sër frööge mijn mëst tijd benutse taum andrer helpe oiwer dai Bijbel lëre. Öftens denk ik an as ik jong wäir un bijnå doodbleewe bün un bün sër dankbår fon dat leewend wat ik hüüt häw. Ik dau ni bloos leewe, åwer häw uk aine hofnung. Ik luur sër up dai paradijs wat God forspråke hät woo gerechtigkët geewe däit un woo “dai dood den ni mër geewe däit.”  (Apocalipse 21:3 un 4)