“Dës gaure nijges fon [God sij] Regirung ware preegt”
“Dës gaure nijges fon [God sij] Regirung ware up dai gans bewånend Ër preegt, taum tüüge geewe tau al gëgende, un den kümt dat ën.” (MATEUS 24:14)
Wat daue dës wöör bedüüre? Lucas wäir air wat dai Bijbel sreewe hät. Hai hät sreewe dat Jësus “hät anfånge ane rëse stad for stad un gëgend for gëgend, däir preege un bekandmåke dai gaure nijges fon God sij Regirung”. (Lucas 8:1) Un Jësus hät sägt: “Ik mut dai gaure nijges fon God sij Regirung bekandmåke weegen ik bün hijr tau schikt woore.” (Lucas 4:43) Jësus hät dai wat em någåe däire henschikt taum dai gaure nijges ine stäärer un gëgende preege un spårer hen, hai hät soo sägt tau eer: “Jij ware mijn tüügen . . . bet dai wijrst stel upe Ër.” (Atos 1:8, Lucas 10:1)
Wosoo häwe dai airste wat Kristus någåe däire dårnå leewt? Dai wat Jësus någåe däire häwe glijk anfånge måke dat wat hai sägt hät. Atos 5:42 sägt soo: “Un jërer dag, im godeshuus un huus bij huus, blëwe sai bij åne anhulen, an inlëren un preege dai gaure nijges oiwer Jësus Kristus.” Preege wäir ni air dail wat bloos wek fon eer oiwer sich hare. Air uutgelërt wat August Neander hit, hät sägt dat Celso, air kërl wat dai airst wääst is wat slechte daile gëgen dai kristen sreewe hät, hai hät dai ainfach lüür uutspot wat dai gaure nijges mit lust preege däire. Anerd uutgelërt, wat Jean Bernardi hit, hät soo sreewe in sij bauk, up francês språk, wat hit Os primeiros séculos da igreja: “[Dai wat Jësus någåe däire] müste gåe, up jërer stel un tau ale lüür, müste sai preege. Sai däire preege upe stråt, ine stäärer, upm plats un huus bij huus. Lijkerst dat dai lüür dat anneeme däire urer ni, däire sai dat måke . . . bet dai wijrst stel upe ër.”
Wee däit dat hüüt måke? Air praister fon anglicana kirch, wat David Watson hit, hät sreewe dat dai lüür häwe swake gloobe hüüt weegen dai kirche daue ni dai preegarbëd måke un daue ni eer inlëre. José Luis Pérez Guadalupe, hät sreewe in sij bauk wat hit Por que os católicos estão indo embora?, up espanhol språk, dat dai evangelisch, adventistas un andrer daue ni huus bij huus preege. Åwer dai Jehovaas Tüügen gåe na jërer huus hen taum preegen.
In dat bauk up englisch, wat hit Cato Supreme Court Review, fon dat jår 2001 bet 2002, Jonathan Turley wat afdukåt is un dit bauk sreewe hät, hät wat sägt oiwer Jehovaas Tüügen: “Wen’s duu wat fortele däist oiwer Jehovaas Tüügen, dai mëste lüür daue glijk denke an dai wat oos t’huus besuike daue taum oiwer dai Bijbel preege up ain stuun wat wij ni eer anneeme wile. Jehovaas Tüügen daue preege ni bloos taum eere gloobe bekandmåke tau dai andrer. Dai preegarbëd däit tauhööre tau eere gloobe”.
[Tåfel]
Krijgst duu saie wat fon is dai richtig religion?
Doir ales wat wij ine Bijbel saie häwe bet nuu hen, wee mainst duu sin dai lüür wat dai richtig religion häwe? Sin feel duusende religione wat säge sai daue Kristus någåe, åwer denk an wat Jësus sägt hät: “Ni jërer wat mij sägt: ‘Her, Her’, wart in der Regirung fom himel rinergåe, åwer bloos dai wat mijn Fåter sijne wile måke däit, wat im himel is.” (Mateus 7:21) Wen wij waite wee sin dai wat God sijne wile måke daue, dat helpt oos mit waite wee sin dai wat wirklig Jësus någåe daue, un wen wij dår mit eer oos t’hoophule daue, wij koine den dai seegen krijge wat God sij Regirung bringe däit. Säg tau Jehovaas Tüügen dat sai dij uutdüüre daue oiwer God sij Regirung un oiwer dai seegen wat dës Regirung bald oos geewe däit. (Lucas 4:43)