Koine dai fruuges wat Jehovaas Tüügen sin praisters sin?

Upe ganse wild sin sër feel fruuges wat Jehovaas Tüügen sin wat tau God arbëre, un ale t’hoop daue God sij Regirung preege. Dit ales wat sai måke passt sich t’hoop mit dat wat stäit in Salmo 68:11, wat sägt: “Dai fruuges wat dai gaure nijges bekandmåke sin soo as ain groot grup soldåte”.

Åwer dat wat dai fruuges måke wat Jehovaas Tüügen sin ine gemaind, is gans aners as wat dai fruuges måke ine andrer kirche. Wosoo?

In andrer kirche wek fruuges gåe foir ine gemaind un eer arbëd is uphaupt tau dai wat al fon eer sijn kirch sin. Åwer dai fruuges wat Jehovaas Tüügen sin, daue der preegarbëd måke tau dai lüür wat ni Jehovaas Tüügen sin.

Uk der arbëd wat dai Jehovaas Tüügen måke daue wat fruuges sin un dai fruuges fon andrer kirche eer arbëd, sin aners ine gemaind. Dai fruuges wat fon andrer kirche sin daue foir inlëre foir dai gans gemaind, åwer dai fruuges wat Jehovaas Tüügen sin daue ni inlëre foir dai gemaind, wen dår air kërl is wat tauwt is. Bloos dai kërls wat dat oiwer sich häwe daue dai gemaind inlëre. (1 Timóteo 3:2 un Tiago 3:1)

Dai Bijbel sägt bloos kërls däire dai gemaind oiwersaie. Sai ais wat Paul sägt hät tau Tito: “Ik häw dij in Creta, låte . . . dat’s duu ülster uutsuike däist in jërer stad.” Paulo hät uk sägt soo’s dai kërl mut fornünftig sin un bloos ain fruug häwe. (Tito 1:5, 6) Paulo hät uk wat neemlig sägt tau Timóteo: “Wen air sich anstrenge däit taum air ülst sin, dit wat hai wil is air gaur dail. Dai ülst mut fornünftig sin, bloos ain fruug häwe, . . . un inlëren forståe.” (1 Timóteo 3:1, 2)

Åwer woweegen bloos dai kërls häwe dai gemaind oiwer sich? Paulo hät sägt: “Ik dau ni erlaube dat dai fruug inlëre däit, un dat sai oiwer der kërl is, åwer sai mut stil blijwe. Adão is airst måkt woore, nåheer Eva.” (1 Timóteo 2:12, 13) Dat Jehovaa Adão airst måkt hät, däit wijse wee inlëre däit un dai daile oiwer sich hät.

Jehovaa sijn dijners måke Jësus nå. Sai ais wat Lucas sägt hät oiwer Jësus sijne arbëd: “Hai hät anfånge ane rëse stad for stad, gëgend for gëgend, däir preege un bekandmåke dai gaure nijges fon God sij Regirung.” Kord tijd nåheer, Jësus hät uk sijn jüngers schikt taum der neemlig arbëd måke, gaure nijges preege, gëgend for gëgend, stel for stel. (Lucas 8:1 un 9:2 bet 6)

Hüüt al dai kërls un fruuges wat Jehovaa dijne daue, daue måke wat Jehovaa sägt hät: “Un dës gaure nijges fon God sij Regirung ware up dai gans bewånend ër preegt taum tüügen geewe tau al gëgende un den kümt dai ën.” (Mateus 24:14)