Woweegen is dai Bijbel leewig bleewe?

Dai Bijbel is bet hüüt hen, nog dat dai feel daile doir feel tijdlang uuthule hät, dat feel lüür dai uutrote wule un dat andrer dai beschaid wat dårin stäit ümstele wule. Dårweegen hüüt kast duu ain Bijbel häwe un dai leese. Un wen’s duu ain gaud Bijbel uutsuike däist, kast den glööwe dat dat wat’s duu leese däist, soo is as dat airst sriwt.a Lijkerst mit sofeel swårhëte, woweegen hät dai Bijbel bet hüüt hen uuthule? Woweegen is dit bauk aners as dai andrer?

Feel lüür wat dai Bijbel lëre, daue soo forståe as dai apostel Paulo, wat soo sreewe hät: “Dai gans Sriwt kümt fon God.” (2 Timóteo 3:16) Sai daue anglööwe dat dai Bijbel hät uuthule weegen is God sij Woord un dat God dai behüütet hät. Faizal, dai kërl wat wij al sägt häwe, hät uutsöcht dai Bijbel lëre taum waiten wen dat wår is urer ni. Hai hät sich sër bewunert mit dat wat hai lërt hät. Hai hät saie dat feel daile wat dai kirche inlëre daue sin aners as dat wat in dai Bijbel stäit. Un nog hai hät sich sër fröölig fornåme as hai lërt hät oiwer God sijne wile tau dai Ër.

Faizal sägt: “Nuu ik bün sicher dat dai Bijbel wat ik häw is ain geschenk fon God. God hät ales måkt wat geewe däit. Den, wäir tau em slim oos ain bauk geewe un uppasse dat dai bet hüüt hen uuthule däir? Wen ik ni an dat glööwe däir, ik däir uk ni an God sijn kraft glööwe. Dat wäir neemlig soo as säge dat God ni al dai gans kraft hät. Un wee bün ik taum ni an God sijn kraft glööwe?” (Isaías 40:8)