Jehovaa un Jësus daue oos fraimåke

Wat fon slime daile däist duu jërer dag doirsete? Büst duu air kërl wat forfrigt is un mut sich oiwer feel daile bekümre? Bruukst duu dijn kiner alaine uptreke un sër feel arbëre taum dai familg ernääre? Büst duu jong urer määke un andrer ine schaul daue oiwer dij spote un dij slecht behandle? Büst duu krank urer bruukst duu dij drëge mit dai slime daile wat kåme daue wen wij uld sin? Wij ale daue ain slim dail doirsete. Un feel bruirers un swesters daue in dai selwig tijd feel slime daile doirsete. Åwer wij waite dat bald däit Jehovaa oos fon dit ales frai måke. (2 Cor 4:16 bet 18)

Solang as wij luure daue Jehovaa dit måke, is sër gaud waite dat hai forståe däit dai slime daile wat wij doirsete muite. Hai blijwt fröölig wen wij reäl sin un stramblijwe daue. Un in dai tijd wat nog kümt, wij daue feel seegen fon em krijge. (Jer 29:11, 12) Jësus däit sich uk sër mit jërer ainsig for oos bekümre. Solang dat wij dai slime daile doirsete daue wij koine andenke an dat wat Jësus sägt hät: “Ik bün mit juuch.” (Mat 28:20) Wen wij grüüwle daue an dat wat Jehovaa in dai tijd wat nog kümt måke däit taum oos fon dëse slechte daile fraimåke, dit giwt oos hofnung un wij wile stramblijwe. (Rom 8:19 bet 21)

DAU DAI VIDEO WIJSE “DAU DIJN GEDANKE STRAM HULE AN JËSUS SOLANG AS DAI UNWEERER KÜMT! SEEGEN WAT GOD SIJ REGIRUNG BRINGT”. NÅHEER, DAU ANTWOORE:

• Wat is passijrt dat dai lüür apart fon God bleewe sin un wat hät dat ruutergeewt?

• Wat fon seegen daue dai wat reäl an Jehovaa blijwe in dai tijd wat nog kümt krijge?

• Wodoir koine dës daile passijre?

• Wat fon seegen wat wij in dai tijd wat nog kümt krijge daue däist duu laiwer luure?