Tijdfordrijwe mit dai üler is gaud

WOWEEGEN IS GAUD TAUM DAI KINER TIJDFORDRIJWE MIT DAI ÜLER?

Dai kiner bruuke belërungs un formånen fon dai wat üler sin as sai. Jij, papa un mama, sin dai beste taum juuch kind belëre. Dat is air dail wat jij måke muite. Åwer andrer lüür koine uk dij kind mithelpe.

WOWEEGEN HÄT GROOTE WËRD DAI BELËNRUNGS FON DAI WAT ÜLER SIN?

In feel stele daue dai kiner ni sër lang blijwe mit dai wat üler sin. Kan sin dat is weegen:

• Dai kiner blijwe dai mëst tijd oiwer ine schaul woo mër kiner sin as dai wat al groot sin.

• Feel papa un mama muite arbëre, dårweegen wen dat kind tröögkümt fone schaul, blijwt dai alaine t’huus.

• Uutgelërte lüür wat ain upsuiken in Estados Unidos måkt häwe, häwe ruuterfuune dat kiner tüschen 8 un 12 jåre, mëstümer, blijwe 6 stuune lang upe dag ane televisão, internet un videogames.a

Air bauk oiwer kiner uptreke sägt: “Ståts dai belërungs suike fon eer papa un mama, schaullërer un andrer forständig lüür, daue dai juugende een amigos horge.”b

WOSOO DIJ KIND BELËRE?

Dau dij tijdfordrijwe mit dij kind.

SPRUCH FONE BIJBEL: “Dau dat kind belëre upm weeg woo dai gåe mut; Nog wen dai uld wart, däit sich ni fon dem aflenke.” (Provérbios 22:6)

Mëstümer wile dai kiner dai belërungs fon eer papa un mama un uk eer hülp. Uutgelërte lüür säge dat sogår dai juugende daue düler een papa un mama hööre as een amigos. Dai schaullërer Laurence Steinberg hät in dat bauk, Você e Seu Filho Adolescente, soo sreewe: “Wat dai juugende säge un måke daue bet sai groot sin, hät besägen mit een papa un mama. Dai juugende daue sich bekümre oiwer dat wat een papa un mama maine un daue eer horge, lijkerst wen sai ni ümer dat säge daue urer dat selwig maine daue as een papa un mama.”

Dat dij kind dij belërung krijge wil, dau dij tijdfordrijwe mit em, dau dai säge wat’s duu maine däist, fortel oiwer woo duu dij befijne däist un uk wat’s duu beleewt häst.

Suik air uut dat dij kind nåmåke kan.

SPRUCH FONE BIJBEL: “Wee t’hoop mit dai klauke gäit, wart klauk.” (Provérbios 13:20)

Denk an air wat üler is as dij kind, dat dai nåmåke kan. Duu kast em taurere ümgang mit dës mësch häwe. Dat bedüürt ni dat dës mësch dai amt hät taum dijn kind uptreke. Åwer mit soo’ne ümgang kan ruutergeewe dat dij kind belërungs krijge däit soo as dai wat’s duu em giwst. Dai Bijbel wijst dat groote wërd har taum Timóteo, Paulo nåmåke, lijkerst dat hai al groot wäir. Dës ümgang is gaud wääst for eer bëd. (Filipenses 2:20 un 22)

In dës lätste jåre, daue dai kiner ni mër tijdfordrijwe mit een fåter, muter, unkel un tante, weegen feel for dai daue wijdaf wåne air fon dai andrer. Wen dat soo is in dijn familg, dau dij anstrenge dat dij kind lëre kan mit andrer lüür wat ine moors häwe daile wat dij gefale daue.