Jó däit sijn reälligkët behule

KÜÜN air mësch reäl bijblijwe mit God, nog mit dai slechst pruiwen un wen dai dårmit nischt krijge däir? Air kërl hät dat doirset, åwer dat is int raich bröcht woore. Dit is passijrt mit air kërl wat Jó is.

As dai israeliten nog wåne däire in Egito, Jó, wat Abraão sij fründ wäir, däir wåne woo hüüt Arábia is. Ain mål, dai ängels wäire ale t’hoop im himel foir God. Satan wäir mank eer. Dun, hät Jehovaa sägt hai däir anglööwe an Jó sijn reälligkët. Jehovaa hät sägt dat kair anerd mësch wäir soo reäl as Jó. Åwer Satan hät sägt dat Jó bloos Jehovaa dijne däir dat Jehovaa däir em seegne un behüüte. Satan hät uk sägt wen ales wat Jó har em dat wegnåme wäir, den Jó däir slecht rere oiwer God.

Airst, God hät erlaubt dat Satan Jó sijn gans rijkhët ales wegneeme schul un sijn kiner doodmåke schul. Nåheer, hät Satan måkt dat Jó krank woore is. Jó däir ni waite dat Satan dat ales måke däir, dårweegen däir hai ni forståe woweegen God erlaube däir dat dat mit em passijre däir. Lijkerst soo, nij ais hät hai God forlåte.

Drai falsche amigos häwe em besuikt. Sai häwe feel daile sägt wat hüüt in Jó sij bauk ståe. Dës kërls häwe forsöcht Jó inreere dat God em stråfe däir weegen hai ain süün im haimlig måkt har. Sai häwe sägt dat God ni an sijn dijners glööwe däir un dat kair mësch God gefale küün. Jó hät ni glööwt an dai loigen. Hai hät mit sicherhët sägt dat, bet sijne dood, hai reäl blijwe däir!

Åwer air dail hät Jó forkërd måkt. Hai hät sich tau dul kopbreeken måkt oiwer wijse dat hai unschuuldig wäir. Air jong kërl wat Eliú haite däir, hät ales höört wat dai andrer sägt häwe un hät anfånge ane fortelen. Hai hät Jó formånt weegen hai hät besijdlåte dat wat grötst wërd har: God sij recht taum regijre. Nischt har mër wërd as dit. Un nog, Eliú hät Jó sijn falsch amigos stark formånt.

Glijk nåheer, hät Jehovaa mit Jó fortelt un hät em formånt. God hät mit Jó fortelt oiwer feel bewunrig daile wat hai måkt hät. Jehovaa hät uutdüürt tau Jó woo klain as dai mësch is wen dai t’hoopmaint wart mit God. Jó wäir gewöönlig un hät annåme wat God sägt hät. Jehovaa, wat groot beduurnis hät un barmhärtsig is, hät Jó gesundmåkt, hät em dai rijkhët trööggeewt un nog mër as wat hai forspeelt har, un hai hät em seegent mit tëgen kiner. (Tiago 5:11) Dat hai gans reäl bijbleewe is an Jehovaa nog dat hai feel doirset har, Jó hät weese dat Satan air loigensak wäir as hai sägt hät dat kair mësch küün reäl an Jehovaa sin wen slimhët doirsete däir.

- Soo as stäit in Jó bauk.