KAPITEL 25

Wosoo kan ik anhule masturbação måke?

“As ik 8 jår har, häw ik anfånge masturbação måke. Spåre hen, häw ik lërt wat God denke däit oiwer dat. Ik däir mij sër slecht befijne jërer’s mål dat ik werer dat måke däir. Ik däir denke: ‘Woo kan God aine lijbe wat is soo’s ik?’”- Luiz.

SOO as duu groot wasse däist, kan sin, dat wünschen taum sex måke, sër stark wart.a Dårweegen is licht dat’s duu anfänge däist masturbação måke. Feel maine dat hät nischt sägen. Sai säge: ‘Dat däit kaine schåre.’ Åwer dai Bijbel sägt woweegen wij dat ni måke döre. Dai apostel Paulo hät sreewe: “Måk den dood, dai daile fon dijm körper wat besägen hät mit . . . wünsch taum seks bedrijwen.” (Colossenses 3:5) Dai masturbação däit ni wënige måke dai wünsch taum sex måke, gans aners, mökt gröter. Un nog, denk man’s an:

● Dai masturbação mökt dat dai mësch bloos an sich selwst denke däit. Weegen dai mësch mökt bloos wat em sijne körper froo låte däit.

● Dai wat masturbação mökt, däit ni respektijre dem woo dai mit t’hoop is. Weegen dai süüt der ander soo as air dail taum selwst froo im körper ware.

● Dai masturbação mökt dat air mësch bloos an sich alaine denke däit un dårweegen kan ni licht sin froo krijge doir sex måke im forfrijgt leewend.

In der stel dat’s duu masturbação måke däist, dau dij anstrenge taum sich selwst hule krijge. (1 Tessalonicenses 4:4 un 5) Taum dij dår mithelpe, dai Bijbel giwt formånen taum ni måke daile wat lust geewe dårtau. (Provérbios 5:8 un 9) Åwer, wen’s duu ni anhule krijgst masturbação måke? Kan sin duu wust anhule, åwer häst dat ni måkt kreege. Kan sin dat’s duu denke däist, dat’s duu forlåren büst un God ni horgt wilst. Air jong wat Pedro hait, däir soo denke oiwer sich: “As ik dat måke däir, däir ik mij sër slecht befijne. Ik dacht küün dat nij ais richtig måke. Beeren wäir sër slim.”

Wen’s duu dij soo befijne däist, dau ni nålåte, duu büst ni forlåre. Feel juugende un groot lüür, sin frai woore fon dai masturbação. Duu krijgst dat uk måkt!

Wen’s duu dij schuldig befijnst, wosoo kast duu dat oiwerståe?

Soo as wij al saie häwe, air wat gewoont sin, sich masturbação måke, feel mål däit sich schuldig befijne. Gans sicher, ‘traurig blijwe nå God sijne wile’, kan oos lust geewe taum dës slecht moor oiwerståe. (2 Coríntios 7:11) Åwer wen’s duu dij tau schuldig befijne däist, dat kan dij wat schåre. Duu kast åne kraft blijwe taum anhule ane masturbação måke. (Provérbios 24:10)

Is dai masturbação wirklig soo forkërd? Jå! Dat is ain sort dail wat ni rëgen is. Dat kan måke dat’s duu andrer forkërde wünsch häwe däist, forkërde gedanke un dat’s duu ni anhule krijgst. (Tito 3:3) Åwer, masturbação is uk ni ain groot süün soo as huurerig. (Judas 7) Wen’s duu masturbação mökst, bruukst ni maine dat’s duu ain süün måkt häst, wat ni forgeewt ware kan. Taum dat oiwerståe, dörst duu bloos nij ais nålåte!

Is licht åne lust blijwe wen’s duu werer masturbação måke däist. Wen dit passijre däit, denk an Provérbios 24:16: “Weegen, lijkerst wen dai gerecht soiwen måls henfült, hai däit werer upståe. Åwer dai slechte daue sich forhåke weegen dai unglük.” Wen’s duu werer masturbação måke däist, dau ni denke dat’s duu air slecht mësch büst. Den, dau ni nålåte! Duu kast nåsaie woweegen duu dat måkt häst un dau dij anstrenge taum dat ni mër måke.

Dau dij tijd neeme taum grüüwle an God sij lijb un barmhärtsigkët. Davi wat uk slechte daile måkt hät, hät soo sägt: “Soo as dai papa barmhärtsig is mit sijn kiner, is Jehovaa barmhärtsig mit dai wat angst häwe taum em ni gefale. Weegen hai wät gaud wosoo wij måkt sin, hai däit andenke dat wij stow sin”. (Salmo 103:13 un 14) Gans sicher, Jehovaa wät dat wij fëgels häwe un is “ümer trecht taum forgeewen”. (Salmo 86:5) Åwer hai wil dat wij oos best måke taum em horge. Den, wat kast duu måke taum dës slecht moor oiwerståe?

Denk an womit duu dij tijdfordrijwe däist. Däist duu filmes kijke urer daile ine TV urer internet, wat dij lust geewe werer masturbação måke? Dai wat dës salmo sreewe hät, is klauk wäst as hai soo tau God beert hät: “Låt mijn oogen ni saie dat wat åne wërd is. Dau mij leewig låte in dijne weeg.”b (Salmo 119:37)

Dau dij anstrenge taum andrer daile denke. William hät dës formånen geewt: “Airer as slåpe gåe, dau wat leese wat besägen hät mit dai Bijbel. Hät groote wërd dat’s duu air dail oiwer God denke däist airer as slåpe gåe.” (Filipenses 4:8)

Dau mit air dåroiwer fortele. Kan sin dat’s duu dij schääme däist taum dåroiwer mit air fortele. Åwer, wen’s duu dat måke däist, dat däit dij helpe anhule dai masturbação måke. Dat hät David ruuterkreege. Hai sägt soo: “Ik häw mijn papa apart raupe un dåroiwer mit em fortelt. Ik dau nij ais forgeete wat hai mij sägt hät. In em sijn gesicht wäir saien, dat hai fröölig wäir as hai mij sägt hät: ‘Woo gaud dat’s duu mij dat sägt häst!’ Hai wüst dat ik koråsch häwe müst taum dåroiwer mit em fortele. Dat wat hai sägt un måkt hät, wäir genau wat ik bruuke däir taum bijblijwe mij anstrenge mijn best måke taum dai slecht moor oiwerståe.”

“Mijn papa hät mij dun weese wek bijbelsprüüch taum mij helpe saie dat ik ni air slecht mësch wäir. Taum sicherhët häwe dat ik forståe har dat masturbação, forkërd wäir, hät mijn papa mij andrer sprüüch weese. Hai hät mij sägt dat ik mij anstrenge müst taum anhule dårmit un spåre, däire wij werer dåroiwer fortele. Hai hät mij uk sägt taum ni nålåte wen ik werer masturbação måke däir, åwer ik müst mij anstrenge taum länger blijwe ån dat måke.” Wat hät David dåroiwer forståe? Hai sägt: “Taum air dåroiwer fortele is dat best dail wat ik måkt häw.”c

[Nåt]

HAUPTSACH SPRUCH

“Dårweegen, dau dij trööghule fon dai wünschen fon juugend, åwer dau dij anstrenge tau gerechtigkët, tau der gloobe, tau der lijbe, tau der freere, t’hoop mit der wat der Her raupe mit air rëgen härts.” (2 Timóteo 2:22)

DUU KAST SOO MÅKE

Airer as dai wünsch soo groot wart, dau tau Jehovaa beere un dau forlange dat hai dij geewe däit “dai kraft wat oiwer dat wat normal is” taum sich drëge dårmit. (2 Coríntios 4:7)

DÄIST DUU DAT WAITE . . .?

Air mësch wat wirklig stark is, krigt sich hule un mökt kain masturbação. Åwer dai mësch wat swak is, däit sich afgeewe taum masturbação måke.

DAU DIJ INRICHTE!

Taum mijn gedanke ümer rëgen sin, ik mut ․․․․․

Taum kain masturbação måke, ik dau ․․․․․

Ik wil dës frågen måke taum mijn papa un mama: ․․․․․

WAT DÄIST DUU ANTWOORE?

● Jehovaa is “ümer trecht taum forgeewen”, woweegen is gaud dår ümer andenke? (Salmo 86:5)

● Jehovaa hät oos måkt mit dai wünsch taum sex måke, åwer hai wät uk dat wij oos hule krijge koine. Den, wat hai wil, wij måke muite?

[Groot sriwt]

Nåheer as ik anhule häw masturbação måke, mijn forstand is rëgen woore mit Jehovaa un ik wil nischt måke dat mijn forstand werer drekig ware däit!’’ - Sarah

[Groot sriwt]

Wen’s duu loope däist un henfale däist, dat däit ni wijse dat duu must werer fon foir anfänge. Soo uk, wen’s duu werer masturbação måke däist, dat bedüürt ni dat’s duu dat nij ais anhule krijgst.