Koine dai doore werer upståe?

WAT DAI BIJBEL SÄGT

‘Dat dat air upståen fom dood geewe däit.’ — Atos 24:15, Tradução do Novo Mundo.

WAT DAT FOR DIJ BEDÜÜRE KAN

Dit forspreeken kan dij . . .

trööste wen air laiw mësch doodblijwt. — 2. Coríntios 1:3, 4.

helpe taum kain angst fom dood häwe. — Hebreus 2:15.

ain sicher hofnung geewe dat’s duu dijn fründe, wat al dood sin, werer trefe däist. — João 5:28, 29.

KOINE WIJ WIRKLIG GLÖÖWE WAT DAI BIJBEL SÄGT?

Jå, wënsig weegen drai grunde:

• God hät dat leewent måkt. Ine Bijbel stët dat Jehovaa God ‘dai kwel fom leewent’ is. (Salmo 36:9; Atos 17:24, 25) Jehovaa hät ales måkt wat leewe däit, soo kan hai gewis dere wat al dood sin dat leewent trööggeewe.

• God hät dat al måkt. Ine Bijbel leese wij oiwer acht lüür, wat hijr upe ër, fom dood upwåkt woore sin — kërls un fruuges, jong un uld. Wek fon dere wäire grår doodbleewe, åwer, air fon eer wäir al fair dåg im graw! — João 11:39-44.

• God wil dat werer sër gërn måke. Jehovaa hasst dere dood. For em is dat air faind un hai wil em taum ën bringe. (1. Coríntios 15:26) God däit dai doore ni forgeete, hai hät forlang taum eer fom dood upwöke, dat dai werer upe ër leewe koine. — Jó 14:14, 15.