KAPITEL 1

Dau gaud anfänge an fortele

Atos 17:22

WAT MUST DUU MÅKE? Dau glijk säge daile wat dai lüür laiwer fortele wile, låt klår wat’s duu säge wist un wijs woo nöörg dat dat tau dai lüür is.

Fortel oiwer daile wat dai lüür laiwer waite wile. Dau wat fråge, fortel oiwer ain geschicht, oiwer ain dail wat passijrt is, oiwer dat weerer un soo wijrer.

Airer dat’s duu mit dai lüür fortele däist, denk an wat däit eer kopbreeken geewe un woo oiwer sai laiwer fortele wile den dau dåroiwer mit eer fortele.
Låt klår wat’s duu fortele wist. Dai lüür muite waite wat’s duu fortele wist un woweegen.
Wijs woo nöörg is dat tau eer. Fortel oiwer daile wat dai lüür helpe koine dag for dag. Sai muite forståe woweegen is dat nöörg tau eer.

Dau an dit denke airer as ain bijblisch preeg måke: Wat fon slime daile daue dai bruirers un swesters doirsete? Un wen’s duu ruuterkrijge däist, ine anfang fon dijn preeg dau dåroiwer fortele.