KAPITEL 18

Dau daile fortele dat dai lüür dårmit lëre koine

1 Coríntios 9:19-23

WAT MUST DUU MÅKE? Måk dat dai lüür andenke daue an dat wat’s duu fortele däist. Måk dat sai forneeme daue dat sai air dail lërt häwe wat gaud tau eer is.

WOSOO KAST DUU DIT MÅKE?

Denk an dai daile wat dai lüür al waite daue. Dau ni ümer oiwer air dail fortele wat dai lüür al waite daue, help dai lüür mit taum air nijg dail lëre.

Fortel mër oiwer nijg daile un dau ni feel fortele oiwer wat dai lüür al waite daue.
Dau upsuiken måke un grüüwle taum dai oiwerste daile uutdüüre. Dau daile säge wat dai lüür nog ni höört un andacht häwe. Denk an dat wat’s duu upsuike däist: hät dat besägen mit dat wat’s duu säge wist?

Wen’s duu lëre däist oiwer dai daile wat’s duu säge wist, dau an dës frågen andenke: wat? wee? woo? wonair? woweegen? un wosoo? Duu krijgst beeter inlërt wen’s duu dës frågen måke däist un eer antwoore solang as duu mit dai lüür fortelst.
Wijs wosoo dai lüür dat måke koine wat’s duu säge däist. Dau uutdüüre woo dai bijbelssprüüch dai lüür helpe koine dag for dag. Fortel oiwer daile wat dai lüür doirsete un forneeme daue.