KAPITEL 10
Wosoo sich t’hoop forsamle mit Jehovaas Tüügen kan dij helpe?
Büst duu al nane kirch hen wääst fon Jehovaas Tüügen? Wen ni, bloos dåroiwer denke kan dij unruig låte. Kan sin dat’s duu dij fråge däist wat passijrt in dës forsamlung oiwer dai Bijbel. Woweegen loont sich dår hengåe? Woweegen mut ik dår hengåe? In dës kapitel, däist duu lëre wosoo sich t’hoop forsamle mit Jehovaas Tüügen däit dijn ümgang mit God stärke, un kan dij uk helpe in dij leewend.
1. Wotau daue wij oos t’hoop forsamle?
Ain fon dai wat dai Bijbel sreewe hät, hät sägt: “In dai groot gemaind, ik dau Jehovaa låwe.” (Salmo 26:12) Soo, hät hai weese wotau daue wij oos t’hoop forsamle taum God låwe mit groot lust. Ine ganse wild daue Jehovaas Tüügen sich t’hoop forsamle jërer week taum God låwe, taum singe un beere. Wekmåls upt jår, häwe sai uk groot forsamlunge taum God låwe un taum em anbeere.
2. Wat däist duu lëre up oos forsamlunge?
Wen wij oos t’hoop forsamle daue, wij daue dai Bijbel ‘klår uutdüüre un daue wijse wat sai bedüüre däit.’ (Lees Neemias 8:8) Duu däist oiwer Jehovaa lëre un oiwer sijn gaure moors. Ji mër as duu oiwer Jehovaa sijn lijb lëre däist, düler däist dijne ümgang mit em stärke, duu däist uk lëre dat Jehovaa dij helpe kan taum ain gaur leewend häwe. (Isaías 48:17, 18)
3. Wosoo kan dat gaud tau dij sin, andrer lüür kene wen wij oos t’hoop forsamle daue?
Jehovaa däit oos säge: “Un bekümert juuch air mitm andrer taum koråsch geewe taum lijb häwe un gaure daile måke, un daut ni sinlåte juuch forsamle”. (Hebreus 10:24, 25) In oos forsamlunge oiwer dai Bijbel, duu däist lüür saie wat sich wirklig bekümre daue air mit dem andrer. Lüür wat oiwer dai gaure daile fone Bijbel fortele daue, un lüür soo as duu wat mër oiwer God waite wile. (Lees Romanos 1:11, 12) Dår däist duu feel lüür kene. Wek sin forfrigt un wek ni, un lijkerst mit dai problems, sin sai fröölig. Süst woweegen wil God dat wij oos t’hoop forsamle daue? Dår sin sër feel gaure daile tau dij.
DAU MËR LËRE
Wait wat passijrt wen Jehovaas Tüügen sich t’hoop forsamle daue un dau lëre woweegen hät dat sich loont, t’hoop sin mit eer.
4. Wait wosoo sin Jehovaas Tüügen sijn forsamlunge oiwer dai Bijbel
In dai tijd fon Jësus sijn apostels, dai kristen däire sich ümer t’hoop forsamle taum God anbeere. (Romanos 16:3 bet 5) Lees Colossenses 3:16 un nåheer fortel oiwer dai fråg hijr uuner:
In dai tijd fon Jësus sijn apostels, wosoo däire dai kristen Jehovaa anbeere?
Hüütsendåg, daue Jehovaas Tüügen sich uk t’hoop forsamle taum God anbeere. Taum waite wosoo as dës forsamlunge oiwer dai Bijbel sin, Kijk dai VIDEO. Nådem, kijk dat bijld oiwer dai forsamlunge un fortel oiwer dai frågen hijr uuner:
Wat häst duu saie in dai video wat t’hoopstime däit mit dat wat in Colossenses 3:16 stäit?
In dai video urer up dat bijld, häst duu nog mër anerd dail saie wat dij gefale hät?
Lees 2 Coríntios 9:7 un nåheer fortel oiwer dai fråg hijr uuner:
Up sijn forsamlunge oiwer dai Bijbel, woweegen daue Jehovaas Tüügen kair gild samle?
T’hoop mit dijn schaullërer un dijn schaullërersch fone Bijbel, sai wat passijre däit in dai forsamlunge fon dai weeke foirwärts.
Wat fon stük fone forsamlung denkst duu däit dij dülst gefale urer dij helpe kan?
Wätst duu?
In jw.org, kast duu dai stel un stuun fjine fon oos forsamlunge oiwer dai Bijbel ine ganse wild.
In oos forsamlung oiwer dai Bijbel, häwe wij bijblischpreege, foirstelen un videos. Dai forsamlunge fänge an un häwe sluss mit ain lijd un ain gebeed.
In dai forsamlunge sin wek stüke woo dai lüür antwoore koine.
Ale koine dår kåme: dai forfrigte, dai wat ni forfrigt sin, dai uler un dai kiner.
Dår däit kair gild samle.
5. Wij muite oos anstrenge taum nane forsamlunge gåe
Sai ais wat Jësus sijn familg måke däir taum God anbeere. Jërer jår sai müste ain swår rës måke. Sai däire bijnå 100 kilomëter gåe doir dai bärg fon Nazaré bet Jerusalém. Sai däire drai dåg lang rëse. Lees Lucas 2:39 bet 42 un nåheer fortel oiwer dai frågen hijr uuner:
Denkst duu sai müste sich anstrenge taum rësen?
Woweegen kan sin dat’s duu dij anstrenge must taum nana forsamlunge gåe?
Denkst duu däit dat loone? Woweegen denkst duu soo?
Dai Bijbel sägt wij muite oos t’hoop forsamle taum God låwe. Lees Hebreus 10:24, 25 un nåheer fortel oiwer dai fråg hijr uuner:
Woweegen muite wij ümer nane forsamlunge gåe?
WEK DAUE SOO SÄGE: “Duu bruukst ni nane kirch gåe taum God anbeere, dai Bijbel alaine t’huus leese is al naug.”
Wat fon spruch un geschicht fone Bijbel wijst oos wat Jehovaa dåroiwer denkt?
WAT HÄWE WIJ HIJR LËRT?
Nane forsamlunge gåe, däit dij helpe mër oiwer Jehovaa lëre un dijne ümgang mit em stärke. Nog as dit, dår kast duu God låwe t’hoop mit andrer lüür.
Denk dij ais nå
Woweegen wil Jehovaa dat wij nane forsamlunge gåe?
Wat däist duu lëre in Jehovaas Tüügen sijn forsamlunge oiwer dai Bijbel?
Kast dij nog ain anerd dail denke wat dai forsamlung dij mithelpe kan?
TAUM MËR WAITE
Blijwst duu air bits unruig urer nervoos wen’s duu denke däist nane forsamlunge gåe? Sai ais wat air kërl gefale hät up forsamlung.
Wij daue oos nij ais forgeete woo sai oos upnåme häwe (4:16)
Sai ais woweegen dai forsamlung air jong gefale hät, un wat hai måkt hät taum ümer up forsamlung sin.
Wait wat andrer lüür denke daue oiwer nane forsamlunge gåe.
“Woweegen is gaud hengåe in dat forsamlung huus?” (Stäit in jw.org taum leesen)
Sai dai geschicht fon air gewaldig kërl wat sich mankmische däir mit dai slechte lüür. Em sij leewend is aners woore as hai anfånge hät sich t’hoop forsamle mit Jehovaas Tüügen.
“Irgends air stel woo ik hengåe däir ik däir ümer mijn wafe mitneeme” (Wat Bekandmökt, 1 juli 2014)