KAPITEL 13
Wosoo daue dai falsche religione dai lüür aflenke fon God?
God is lijb, åwer feel religione säge sai daue God dijne un måke slechte daile. Woweegen is dat soo? Dai antwoord tau dës fråg is: Dës religione sin falsch, sai daue loigen oiwer God inlëre. Wosoo daue dai falsche religione dai lüür aflenke fon God? Wosoo däit God sich dåroiwer forneeme? Un wat däit hai måke?
1. Wosoo daue dai falsche religione dai lüür aflenke fon God doir dat wat sai inlëre?
Dai falsche religione ‘häwe dai wårhët ümtuuscht up dai loigen’. (Romanos 1:25) Dai mëste daue ni God sijne nåme inlëre, åwer dai Bijbel sägt wij muite God sijne nåme benutse. (Romanos 10:13, 14) Wen air slecht dail passijre däit, dai praisters fon dai katolisch kirch un uk dai praisters fon andrer kirche daue säge: ‘Is God sij wile’, åwer dat is loigen. God däit nij ais måke wat slecht is. (Lees Tiago 1:13) Dës loigen daue dai lüür fon God aflenke. Dat is sër traurig!
2. Wosoo daue dai falsche religione dai lüür aflenke fon God doir dat wat sai måke daue?
Dai Bijbel sägt dai süün fon dai falsche religione ‘sin al t’hoopdrågt soo hoog as dai himel’. (Apocalipse 18:5) Doir feel jåre lang, dai religione daue dere politik bijståe un helpe dai krijg mit. Doir dai falsche religione sin al miljone lüür doodmåkt woore, sai häwe dat bijståe. Feel praisters sin sër rijk, häwe feel daile, un wee dat betåle däit sin dai lüür wat tau dere kirch tauhööre. Dai falsche religione daue ni dai lüür soo behandle as oos lijb God Jehovaa. Dës praisters säge sai sin schikt woore fon God, åwer dai daile wat sai måke sin gans aners. (Lees 1 João 4:8)
3. Wat däit God denke oiwer dai falsch religione?
Wen dai daile wat dai falsche religione måke daue, däit dij wüütre, dau ais denke woo Jehovaa sich forneeme däit! Dai praisters daue dai lüür aflenke fon God un daue ni eer gaud behüüte. God sägt hai däit dai falsche religione uutrote un “sai ware nij mër ais fuune.” (Apocalipse 18:8, 21)
DAU MËR LËRE
In dës kapitel daue wij saie (1) wat nog mër denkt Jehovaa oiwer dai falsche religione, (2) wat häwe dai falsche religione forkërd måkt un (3) woweegen dörst duu ni anhule dai Bijbel lëre weegen dai daile wat dai falsche religione måke.
4. God nimt ni ale religione an
Feel lüür denke jërer religion is soo as air weeg wat oos nam God henbringe däit. Is dat wirklig wår? Lees Mateus 7:13 un 14 un nåheer fortel oiwer dai fråg hijr uuner:
Wat sägt dai Bijbel oiwer dai stråt wat henbringt nåm leewend?
Kijk dai VIDEO un nåheer fortel oiwer dai fråg hijr uuner:
Sägt dai Bijbel dat dai gans religione God gefale?
5. Dai falsche religione daue ni God sij lijb wijse
Dai falsch religione daue dai lüür aflenke fon God weegen feel daile. Ain fon dai slechte daile wat sai måke daue is dai krijg mithelpe. Wiman’s dat saie. Kijk dai VIDEO un fortel oiwer dai frågen hijr uuner:
Wat häwe feel kirche måkt oiwer der twait wild krijg lang?
Wat mainst duu oiwer dat wat sai måkt häwe?
Lees João 13:34, 35 un 17:16 un nåheer fortel oiwer dai frågen hijr uuner:
Wat mainst duu? Wosoo däit Jehovaa sich forneeme wen dai religione mank dai krijg sin?
Dai falsch religione häwe schuld oiwer feel slechte daile, wat häst duu al saie wat wijse däit dat dai falsch religione God sij lijb ni wijse daue?
Wosoo daue dai falsche religione dai lüür aflenke fon God?
6. God wil dai lüür uut dai falsch religione ruutermåke
Lees Apocalipse 18:4 un nåheer fortel oiwer dai frågen hijr uuner:a (Kijk dai nåt)
Dai falsche religione daue dai lüür belaige. God wil dai lüür helpe ruutergåe uut dai falsche religione. Wosoo däist duu dij dårmit forneeme?
7. Blijw bij ümer mër lëre oiwer der wår God
Däist duu dij trööghule fon God bloos dårweegen dai forkërde daile wat dai falsche religione måke daue? Denk an air kind wat der papa sijn formånen ni horge däit. Dat kind gäit fon t’huus weg un fängt an forkërde daile måke. Dai papa nimt ni an dai forkërde daile wat dat kind måke däit. Wäir dat richtig der papa schuld geewe weegen dai forkërde daile wat dat kind måke däit?
Wäir dat richtig Jehovaa schuld geewe un anhule nog mër lëre oiwer em, bloos dårweegen dai forkërde daile wat dai falsche religione måke?
WEK DAUE SOO SÄGE: “Ik wil nischt waite fone religione, weegen dai daue bloos problems bringe.”
Denkst duu uk soo?
Woweegen dai forkërde daile wat dai falsche religione måke daue döre dij ni aflenke fon Jehovaa?
WAT HÄWE WIJ HIJR LËRT?
Dai falsche religione daue dai lüür aflenke fon God, sai måke dat doir dai loigen wat sai inlëre, un doir dai slechte daile wat sai måke. God däit dai falsche religione uutrote.
Denk dij ais nå
Wat mainst duu oiwer dat wat dai falsche religione måke un inlëre?
Wat denkt Jehovaa oiwer dai falsche religione?
Wat däit God måke mit dai falsche religione?
TAUM MËR WAITE
Kijk man ais twai daile woo dai falsche religione God sijne wile ni måke.
“Sin al dai religione oiwerain? Daue ale nå God henkåme?” (Stäit in jw.org taum leesen)
Woweegen wil Jehovaa dat wij em dijne daue t’hoop mit andrer lüür?
“Muite wij tauhööre tau ain religion?” (Stäit in jw.org taum leesen)
Kijk ais wat passijrt is mit air katolisch praister wat ni mër sich sicher wäir oiwer sijn kirch, åwer hät ni anhule der wårhët oiwer der wår God suike.
“Woweegen is air katolisch praister uut sijn kirch ruutergåe?” (Wåkt Up!, fëbruar 2015)
Feel jåre lang häwe dai falsche religione loigen fortelt oiwer God un dårweegen feel lüür denke soo as God däit sich ni bekümre oiwer eer un dat hai slecht is.
“Loigen wat löt soo’s God kain lijb hät” (Wat Bekandmökt, 1 november 2013)
a Nåt: Dai Bijbel däit dai falsche religione t’hoopmaine mit aine fruug wat Babilon dai Groot haite däit. Taum mër waite sai “Dau beeter forståe” 1.