KAPITEL 15
Wee is Jësus?
Jësus is air fon dai bekand lüür, wat al leewt hät. Nog soo, dai mëste lüür waite wënig oiwer em un daue ni oiwerain denke oiwer wee hai wirklig is. Åwer, wat sägt dai Bijbel oiwer Jësus?
1. Wee is Jësus?
Jësus is dai ängel wat mër kraft hät im himel. Jësus is dai airst wääst wat Jehovaa måkt hät. Dårweegen dai Bijbel sägt hai is ‘dai airst wat geboore wäir’. (Colossenses 1:15) Jësus is ‘dai ainsig wääst wat God måkt hät’. Dat bedüürt Jësus is dai ainsig wat God alaine måkt hät. (João 3:16) Jësus hät t’hoop arbërt mit sij Fåter Jehovaa. Hai hät Jehovaa hulpe al dai andrer daile måke. (Lees Provérbios 8:30) Jehovaa un Jësus daue sich sër t’hoop lijbe. Jësus däit Jehovaa sijn beschaids un formånen mit reäligkët säge. Dårweegen dai Bijbel sägt Jësus is “dat Woord”. (João 1:14)
2. Woweegen is Jësus upe Ër kåme?
Mër as 2.000 jåre trööguut, Jehovaa hät air bewunrig dail måkt: Jësus däir leewe im himel un Jehovaa hät sijne hailig gaist benutst taum sij leewend rinermåke in Marij sijn muter. Soo, Jësus is geboore woore hijr upe Ër soo as air mësch. (Lees Lucas 1:34 un 35) Jehovaa hät Jësus schikt upe Ër soo as Messias, urer Kristus, taum dai lüür rere.a (Kijk dai nåt) Dai ganse profesijrs oiwer dai Messias sin passijrt mit Jësus, dit hät dai lüür hulpe forståe dat Jësus wäir dai Kristus “dat Kind fon dai leewig God”. (Mateus 16:16)
3. Woo is Jësus hüüt?
Nåheer as Jësus doodbleewe is, hai is upleewt woore fom dood, is air ängel woore un is nam himel gåe. Dår ‘hät God em måkt soo as dai oiwerst’. (Filipenses 2:9) Nuu is Jësus air sër stark ängel. Bloos Jehovaa hät mër kraft as Jësus.
DAU MËR LËRE
Wait wee wirklig Jësus is un woweegen is gaud lëre oiwer em.
4. Jësus is ni dai God wat dai gans kraft hät
Dai Bijbel däit inlëre dat Jësus air stark ängel im himel is. Åwer nog soo hai däit sijm Fåter, God Jehovaa, horge. Wosoo waite wij dit? Kijk dai VIDEO taum saie ine Bijbel dat Jësus aners is as dai God wat al dai kraft hät.
Dës sprüüch hijr uuner daue oos helpe forståe dat Jehovaa un Jësus sin aners. Lees jërer spruch un nåheer fortel oiwer dai frågen hijr uuner:
Lees Lucas 1:30 bet 32.
Wosoo daue dai ängel sijn wöör wijse dat Jësus un Jehovaa sin ni oiwerain?
Lees Mateus 3:16 un 17.
As Jësus sich tauwe låte hät, wat hät ain hoog språk fom himel sägt?
Wee man sijn språk mainst wäir dat?
Lees João 14:28.
Ine familg, wee is dai üler? Wee däit komandijre, dai fåter urer dat kind?
Jësus hät sägt Jehovaa wäir sij Fåter. Wat däit oos dat inlëre?
Lees João 12:49.
Däit Jësus maine hai un sij Fåter sin oiwerain? Mainst duu sai bëd sin oiwerain?
5. Daile wat wijse daue dat Jësus dai Messias wäir
Dai Bijbel hät feel profesijrs wat dai lüür hulpe häwe waite wee dai Messias wäir. Dai wat God uutsöcht hät taum dai lüür rere. Kijk dai VIDEO. Sai wek profesijrs wat passijrt sin mit Jësus as hai upe Ër wääst is.
Lees dës profesijrs in dës sprüüch un nåheer fortel oiwer dai frågen hijr uuner:
Lees Miqueias 5:2 taum saie woo dai Messias geboore ware däir.b (Kijk dai nåt)
Is dës profesijr passijrt? (Mateus 2:1)
Dai Bijbel hät genau sägt wosoo ais dai Messias doodblijwe däir. Lees Salmo 34:20 un Zacarias 12:10 taum wek daile dåroiwer waite.
Sin dës profesijrs passijrt? (João 19:33 bet 37)
Wek säge dat Jësus wäir slau un däir soo leewe as dai profesijrs al fortele däire. Mainst duu is dat wirklig wår?
Wat däit dit tau dij wijse oiwer Jësus?
6. Oiwer Jësus lëre is sër gaud tau oos
Dai Bijbel sägt wij muite oiwer Jësus lëre un wat God wil dat hai måke schal. Lees João 14:6 un 17:3 un nåheer fortel oiwer dai fråg hijr uuner:
Woweegen muite wij oiwer Jësus lëre?
Jësus is dai weeg wat oos helpt gaure ümgang mit God häwe. Hai hät oos dai wårhët oiwer God inlërt un doir em koine wij up ümer leewe.
WEK DAUE SOO SÄGE: “Jehovaas Tüügen daue ni an Jësus glööwe.”
Wat däist duu säge?
WAT HÄWE WIJ HIJR LËRT?
Jësus is air stark ängel. Hai is God sij Kind un uk dai Messias.
Denk dij ais nå
Woweegen sägt dai Bijbel dat Jësus is dai ‘airst fon ales wat måkt woore is’?
Wat hät Jësus måkt airer as hai upe Ër kåme is?
Wosoo waite wij dat Jësus dai Messias is?
TAUM MËR WAITE
Lees wat wijst dat Jësus wirklig dai Messias is.
“Daue dai profesijrs fone Bijbel wijse dat Jësus dai Messias wäir?” (Stäit in jw.org taum leesen)
Is God Jësus sij Fåter woore soo’s air mësch papa wart? Wat sägt dai Bijbel hijr oiwer?
“Woweegen wart Jësus God sij Kind nent?” (Stäit in jw.org taum leesen)
Sai ais dat dai Bijbel ni inlëre däit dat God, Jësus un dai hailig gaist sin drai godes in ain.
Lees oiwer ain fruug wat mër oiwer Jësus lërt hät un dat hät eer leewend aners måkt.
“Ain judia määke uutdüürt woweegen sai upsuiken måke wul oiwer eer gloobe” (Wåkt Up!, mai 2013)
a Nåt: In dai kapitels 26 un 27 wij daue saie woweegen muite dai lüür rert ware un wosoo hät Jësus oos rert.
b Nåt: Taum ain profesijr saie wat wijst wonair däir dai Messias kåme upe Ër, sai dai stük “Dau beeter forståe” 2.